ՀՐԵԱ ՔԱՂԱՔԱԳԵՏ. ԱՄՆ-Ն ՀԱՐԱՎԱՅԻՆ ԿՈՎԿԱՍՈՒՄ ՍԽԱԼ ԳՈՐԾԸՆԿԵՐՆԵՐ Է ԸՆՏՐԵԼ
«ԱՄՆ-ի և Վրաստանի հեղինակությունները անկում են ապրում, ինչը հետևանք է ԱՄՆ-ի՝ Կովկասում գործընկերներ ընտրելու սխալ կողմնորոշմամբ», նշել է իսրայելցի քաղաքագետ Ավիգդոր Էսկինը, ում նախաձեռնությամբ հոկտեմբերի 25-ին ԱՄՆ կոնգրեսում երկու փաստավավերագրական ֆիլմեր են ցուցադրվել Սաակաշվիլիի սարսափազդու վարչակարգի վերաբերյալ, գրում է ռուսական ИЗВЕСТИЯ պարբերականը:

Ֆիլմերից մեկը պատմում է, թե ինչպիսի սարսափելի ֆիզիկական բռնությունների են ենթարկվել բանտարկյալները վրացական բանտերում Սաակաշվիլիի իշխանության օրոք, մինչդեռ երկրորդը վերաբերում է ձեռնարկատերերի իրավունքների խախտումներին:

Ֆիլմերը, որոնք նվիրված են վրաց-աբխազական պատերազմի ավարտի 20-րդ տարելիցին, ինչի պատճառով 200.000 վրացիներ ստիպված եղան բռնելու գաղթի ճանապարհը, դիտել են մոտ 100 պաշտոնյաներ քաղաքական և հասարակական ոլորտներից: Ուշագրավ է ԱՄՆ սենատի արտաքին հարաբերությունների գծով կոմիտեի ղեկավար Ռոբերտ Մենենդեզի և միջազգային խնդիրների գիտակ, ակնառու մասնագետ, կոնգրեսմեն Ալբիո Սայրեսի ներկայությունը: 

Ըստ պարբերականի՝ բոլոր ներկաները ապշած հետևել են, թե ինչ անօրինականություններ են տիրել Վրաստանում, իսկ զարմանալին այն է, որ մեղավորները մինչ օրս պատասխանատվության չեն ենթարկվել:

«Հաշվի առնելով միջոցառման մասնակիցների արձագանքները, ամերիկացիները, ամենայն հավանականությամբ, կվերանայեն իրենց՝ երկակի ստանդարտներով քաղաքականություն վարելուն՝ Ռուսաստանի հետ այստեղ խաղաղություն սահմանելու գործընկերությանն ու տարածաշրջանում արդարություն սահմանելուն», նշել է հրեա քաղաքագետ Ավիգդոր Էսկինը:

ՀՐԱՊԱՐԱԿՈՒՄՆԵՐ
571 reads | 26.10.2013
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com