«ԺՈՂՈՎՐԴԻ ՁԱՅՆԸ ԱՍՏԾՈ ՁԱՅՆՆ Է». ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ «Ո՛Չ ՎԱՇԻՆԳՏՈՆԸ, Ո՛Չ ԷԼ ՄՈՍԿՎԱՆ ՉԵՆ ՍԱՆՁԱԶԵՐԾԻ ՊԱՏԵՐԱԶՄ» ՆԱԽԻՋԵՎԱՆԻ ԽՆԴՐԻ ՇՈՒՐՋ ՄԻՋԱԶԳԱՅԻՆ ԿՈՆՖԵՐԱՆՍ ՀՐԱՎԻՐԵԼՈՒ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ ՄՈՍԿՎԱՅԻ ԱԿՆԿԱԼՈՒԹՅՈՒՆՆ ՈՒ ԱՆԿԱՐԱՅԻ ՌԻՍԿԱՅԻՆ ԽԱՂԵՐԸ ԻՐԱՆՈՒՄ ԾԱՎԱԼՎԱԾ ՀԱԿԱԿԱՌԱՎԱՐԱԿԱՆ ՑՈՒՅՑԵՐԻ ՊԱՏՃԱՌՆԵՐՆ ՈՒ ԱՌԱՆՁՆԱՀԱՏԿՈՒԹՅՈՒՆՆԵՐԸ, ՄԻՋԱԶԳԱՅԻՆ ԱՐՁԱԳԱՆՔԸ (2017 Թ. ԴԵԿՏԵՄԲԵՐ – 2018 Թ. ՀՈՒՆՎԱՐ) «ՄԵՆՔ ԳՈՐԾ ՈՒՆԵՆՔ ՆԵՆԳ ՀԱԿԱՌԱԿՈՐԴԻ ՀԵՏ». ԴԵՍՊԱՆ ԴԻՎԱՆԱԳԵՏԸ՝ ԻՐԱՆԻ, ՌՈՒՍԱՍՏԱՆԻ և ԹՈՒՐՔԻԱՅԻ ՏԱՐԱԾԱՇՐՋԱՆԱՅԻՆ ԾՐԱԳՐԵՐԻ ՄԱՍԻՆ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՇՆՈՐՀԱՎՈՐԱՆՔԸ ՀՀ ՆՈՐԸՆՏԻՐ ՆԱԽԱԳԱՀ ԱՐՄԵՆ ՍԱՐԳՍՅԱՆԻՆ ՀԱՅԿԱԿԱՆ ԴԻՎԱՆԱԳԻՏՈՒԹՅԱՆ ՄԱՐՏԱՀՐԱՎԵՐՆԵՐՆ ՈՒ ԽՆԴԻՐՆԵՐԸ ԱՆԿԱՐԱՅԻ ԳԱԳԱԹՆԱԺՈՂՈՎԻ ԿԱՊԱԿՑՈՒԹՅԱՄԲ ԱՄԵՐԻԿՅԱՆ ՓՈՐՁԱԳԻՏԱԿԱՆ ԿԵՆՏՐՈՆԸ ԽՈՍԵԼ Է ՀԱՅԱՍՏԱՆԻ ՀԱԿԱՀՐԵԱԿԱՆ ՏՐԱՄԱԴՐՈՒԹՅՈՒՆՆԵՐԻ ՄԱՍԻՆ. Ո՞ՒՄ ԱԿԱՆՋՆԵՐՆ ԵՆ ԴՐԱ ՀԵՏԵՎՈՒՄ

ՀԵՆՐԻ ՔԵՍԻՆՋԵՐ. ՊԵՏՔ ՉԷ ՌՈՒՍՆԵՐԻՆ ԱՆՎԵՐԱՊԱՀՈՐԵՆ ՎՍՏԱՀԵԼ
Օրերս ԱՄՆ նախկին պետքարտուղար Հենրի Քեսինջերը հարզրույց է տվել ամերիկյան CBS հեռուստաընկերությանը՝ մասնավորապես անդրադառնալով Սիրիայի հարցում ԱՄՆ և Ռուսաստանի կողմից տարվող դիվանագիտական բանակցություններին, որին նաև միանալու է Իրանի նախագահ Հասան Ռուհանին:

Քեսինջերը այնքան էլ տպավորված չէ ԱՄՆ և Ռուսաստանի՝ Սիրիայի հարցում ընդհանուր հայտարարի գալու փաստով, ամեն դեպքում հուսով է, որ հարցը խաղաղ ճանապարհով կլուծվի: Նրա կարծիքով Սիրիան 90%-ով ստանձնում է իր՝ քիմիական զենքը միջազգային հսկողությանը հանձնելու պարտավորությունները՝ ըստ ԱՄՆ և Ռուսաստանի միջև ձեռք բերված համաձայնության, բայց կասկածանքով է վերաբերվում այն հարցին, թե Սիրիան կհանձնի քիմիական իր ամբողջ արսենալը:

Շուրջ 60 տարի լինելով քաղաքական արենայում և վարժ տիրապետելով Ռուսաստանի դիվանագիտական և քաղաքական քայլերին՝ Քեսինջերը հավատում է, որ Ռուսաստանն այս հարցում ևս իր անձնական շահերն է հետապնդում:

Այն հարցին, թե ինչու Վլադիմիր Պուտինը հանկարծ որոշեց համագործակցել ԱՄՆ հետ Սիրիայի հարցով, Քեսինջերն ասաց. «Խնդիրը նրանում է, որ ԽՍՀՄ-ում մշտապես աճել է միջուկային զինանոցների թիվը, և ինչպիսին կլինի պատերազմը՝ միջուկային, թե սովորական զենքի օգտագործմամբ, դա արդեն մեր լուծելու խնդիրը չէ: Ենթադրում եմ, որ Պուտինի գլխավոր խնդիրը իր սեփական անվտագությունն է արմատական իսլամից: Նա չի ուզում, որպեսզի ԱՄՆ կորցնի իր «ազեցությունը» Մերձավոր Արևելքի վրա, քանի որ այդ դեպքում նա ստիպված կլինի միայնակ լինել արմատական իսլամիստների դեմ»:

Ըստ Քեսինջերի՝ խնդրի հանգուցալուծումը չպետք է դիտարկել մեկ տեսանկյունից. «Ես այն կարծիքին եմ, որ Ասադին ասպարեզից հեռացնելը հարցի լուծում չէ: Ըստ իս՝ այստեղ, բնավ, Ասադի և Սիրիայի ժողովրդի միջև պայքարը չէ. սա, մի կողմից, ալավիտների և շիիների, մյուս կողմից՝ սունիների միջև եղած պայքարն է: Ուստի, այս խմբավորումների միջև խաղաղ գոյակցության պայմանում, խաղաղություն կհաստատվի նաև ամբողջ Սիրիայում: Իսկ մի խմբավորման հաղթանակը, որքան էլ պարադոքսալ չհնչի, կհանգեցնի մասայական ջարդերի»:

Իրանի և ԱՄՆ միջև կայանալիք հանդիպման մասին խոսելով՝ Քեսինջերը հուսով է, որ երկրները կհարթեն իրենց միջև տարաձայնությունները, քանի որ կողմերից երկուսն էլ ընդհանուր շահեր ունի: Սակայն, եթե Իրանը մնա իր՝ միջուկային զենք ստեղծելու մտքին, դրությունը Մերձավոր Արևելքում էապես կփոխվի: Սա կհանգեցնի նրան, որ Սաուդյան Արաբիան, Եգիպտոսն ու Թուրքիան ևս կսկսեն մտածել միջուկային զենք ունենալու մասին: «Սա իսկապես մեծ խնդիր է, և այն պետք է դադարեցնել. եթե մենք ուզում ենք, որ տարածաշրջանում խաղաղություն լինի, պետք է թույլ չտալ Իրանին ունենալ միջուկային զենք»:

Հիշեցնենք, որ Հենրի Քեսինջերը քաղաքական այն ազդեցիկ ֆիգուրներից մեկն է, ումից խորհուրդ էին հարցնում նույնիսկ քաղաքական ամենակարկառուն ու ազդեցիկ գործիչները: Նա «Միջուկային զենքն ու ներքին քաղաքականությունը» գրքի հեղինակն է, երկար տարիներ աշխատել է միջուկային ոչնչացման ծրագրի վրա և ստացել է Նոբելյան Մրցանակ Վիետնամում խաղաղ բանակցություններ վարելու համար: 
ՀՐԱՊԱՐԱԿՈՒՄՆԵՐ
815 reads | 24.09.2013
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com