«ՌՈՒՍԱՍՏԱՆԸ ՑԱՆԿԱՆՈՒՄ Է ԿՐԿՆԵԼ 1921 ԹՎԱԿԱՆԻ ՍՑԵՆԱՐԸ»
«Ադրբեջանական կողմը շարունակում է պնդել, որ Լեռնային Ղարաբաղի հակամարտության կարգավորման իրենց համար ընդունելի տարբերակը Արցախն իրենց ամբողջությամբ ստանալն է»,- ապրիլի 26-ին լրագրողների հետ հանդիպման ժամանակ հայտարարեց «Մոդուս Վիվենդի» վերլուծական կենտրոնի ղեկավար, քաղաքագետ Արա Պապյանը։

«Եթե հայկական կողմը զիջի նախկին Լեռնային Ղարաբաղի ինքնավար մարզի շրջակա տարածքը, ամեն ինչ կվերջանա առաջին փուլով, ոչ մի երկրորդ փուլ չի լինի։ Ոչ ոք Արցախում չի մնա»,-նշեց բանախոսը։

Արա Պապյանը անդրադարձավ նաև Մոսկվայում ապրիլի 27-ին Հայաստանի, Ադրբեջանի ու Ռուսաստանի ԱԳ նախարարների հնարավոր հանդիպմանը։ Քաղաքագետի խոսքով, ցանկացած հանդիպում տեղի կունենա Հայաստանի վրա Ռուսաստանի ճնշման տրամաբանությամբ՝ զիջումների գնալու նպատակով և  ակնհայտ է, որ Եվրասիական տնտեսական միություն մուտք գործելուց հետո մենք Ռուսաստանին տվեցինք մեր ամենաուժեղ խաղաքարտը։

Բանախոսը հավելեց, որ «Ռուսաստանը այսօր շատ հասարակ խնդիր է լուծում՝ գայթակղել Ադրբեջանին ԵՏՄ-ին միանալու համար։ Դրա համար միակ տարբերակը Արցախի հարցն է։ Ռուսաստանն արդեն բացահայտ խոսում է այն մասին, որ ցանկանում է կրկնել 1921 թվականի սցենարը»,- եզրափակեց Արա Պապյանը

Դիանա Հարությունյան
ՀՐԱՊԱՐԱԿՈՒՄՆԵՐ
445 reads | 27.04.2017
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com