ՆԱԽԸՆՏՐԱԿԱՆ ՔԱՐՈԶԱՐՇԱՎՆ ԱՆՎՏԱՆԳՈՒԹՅԱՆ ՀԱՐՑԵՐԻ ԵՎ ԱՐՏԱՔԻՆ ՔԱՂԱՔԱԿԱՆՈՒԹՅԱՆ ՀԱՄԱՏԵՔՍՏՈՒՄ
2017թ. մարտի 29-ին անցկացվեց «ՀՀ ԱԺ նախընտրական քարոզարշավն անվտանգության հարցերի և արտաքին քաղաքականության համատեքստում» խորագրով կլոր սեղան-քննարկում, որի կազմակերպիչն էր «Քաղաքացիական հասարակության և տարածաշրջանային առաջընթացի ինստիտուտ» հասարակական կազմակերպությունը:

Մասնակցում էին տարբեր կազմակերպություններ ներկայացնող քաղաքագետներ և փորձագետներ: Ողջույնի խոսքով հանդես եկավ «Քաղաքացիական հասարակության և տարածաշրջանային առաջընթացի ինստիտուտ» ՀԿ տնօրեն Աղավնի Կարախանյանը: Կլոր սեղան-քննարկմանը հրավիրված էր մասնակցելու ՀՀ Պաշտպանության նախարարության Պաշտպանական ազգային հետազոտական համալսարանի պետ, քաղաքական գիտությունների դոկտոր, պրոֆեսոր, գեներալ-լեյտենանտ Հայկ Քոթանջյանը:

Որպես հիմնական զեկուցողներից մեկը՝ նա հանդես եկավ «Փորձագիտական ընկերակցության ներդրումը և ինստիտուցիոնալ գործիքներն անվտանգությանն առնչվող հարցերում և արտաքին քաղաքական խնդիրներում» վերնագրով ելույթով:

Հիմնական ելույթներով հանդես եկան նաև ՀՀ ԱԺ արտաքին հարաբերությունների մշտական հանձնաժողովի նախագահ, քաղաքական գիտությունների թեկնածու, դոցենտ Արտակ Զաքարյանը (ելույթի թեման՝ «Խորհրդարանական դիվանագիտության կարևորությունը սահմանադրական բարեփոխումների համատեքստում»), քաղաքագետ Գերասիմ Բարսեղյանը (ելույթի թեման՝ «Անվտանգության և արտաքին քաղաքական թեզերի դերը նախընտրական քարոզարշավում»), «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը (ելույթի թեման՝ «Նախընտրական քարոզարշավն անվտանգությանն հարցերի և արտաքին քաղաքականության համատեքստում»): Հարց ու պատասխանից և մասնագիտական քննարկումից հետո կլոր սեղան-քննարկումն ամփոփեց դրա վարող, ՀՀ ԱԺ պատգամավոր, «Եվրոպական ինտեգրացիա» ՀԿ նախագահ Կարեն Բեքարյանը:

ՀՀ ՊՆ Պաշտպանական ազգային հետազոտական համալսարան
ՀՐԱՊԱՐԱԿՈՒՄՆԵՐ
233 reads | 31.03.2017
|
avatar

Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com