DIPLOMAT.AM-Ը ՇՆՈՐՀԱՎՈՐՈՒՄ Է ԱՆԿԱԽՈՒԹՅԱՆ ՏՈՆԻ ԱՌԻԹՈՎ

Սեպտեմբերի 21-ը Հայաստանի Հանրապետության  Անկախության օրն է: Անկախության հռչակագրից հետո ՀՀ Գերագույն խորհրդի որոշումով, 1991թ. սեպտեմբերի 21-ին Հայաստանի տարածքում անցկացվեց հանրաքվե: Հայաստանի Հանրապետության բնակչությունը  պատասխանեց հետևյալ հարցին. «Համաձա՞յն եք, որ Հայաստանի Հանրապետությունը լինի անկախ, ժողովրդավարական հանրապետություն` ԽՍՀՄ կազմից դուրս»:

Հայ ժողովուրդը միասնաբար, ավելի, քան  99% ձայների մեծամասնությամբ «այո» ասաց անկախությանը:  Եվ սեպտեմբերի 23-ին ՀՀ Գերագուն խորհուրդը, ամփոփելով հանրաքվեի արդյունքները, Հայաստանի Հանրապետությունը հռչակեց անկախ պետություն:

Հանրաքվեի արդյունքները խորհրդարանի բարձր ամբիոնից հրապարակեց Բաբկեն Արարքցյանը, Հայաստանի ԳԽ-ի որոշումը ՀՀ անկախության մասին ընթերցեց պատգամավոր Արամ Մանուկյանը, իսկ Ամենայն Հայոց Կաթողիկոս Վազգեն Առաջինն օրհնեց քաղաքացիների որոշումը:  Հանրապետության հրապարակում 1991թ. սեպտեմբերի 21-ին տոն էր, ինքնաբուխ, համաժողովրդական տոն, որին հայ ժողովուրդը սպասել էր երկար:

ՀՀ անկախությունը առաջինը ճանաչել է Լիտվան, նույն տարվա ընթացքում ևս 47 պետություն ճանաչեց ՀՀ անկախությունը: Հետագա տարիները ՀՀ-ի համար դարձան կայացման դժվար ժամանակներ, սակայն անկախության ուղին կերտող երկիրը դանդաղ, բայց հաստատուն ճանապարհով գնում է առաջ:

Diplomat.am-ը շնորհավորում է ամբողջ հայ ժողովրդին՝ պետականության ամենակարևոր տոնի առիթով, մաղթում, որ ժողովուրդը իրեն համարի երկրի իրական տերը, ուժեղ բանակով պայքարի իր անկախության պահպանման համար և արտագաղթելու փոխարեն հենց Հայաստանում ջանք ներդնի պետության շենացման համար:

ՀՐԱՊԱՐԱԿՈՒՄՆԵՐ
2184 reads | 21.09.2015
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com