​«ԱՄԵՐԻԿԱՆԱ»-Ն ՆԵՐՈՂՈՒԹՅՈՒՆ Է ԽՆԴՐԵԼ ԱՆՀԱՐԿԻ ԱՐԳԵԼՔԻ ՀԱՄԱՐ
«Americana at Brand» առևտրի կենտրոնը ներողություն է խնդրել հայ ձեռնարկատերերից, որ կենտրոնի տնօրինությունն արգելել է Հայոց ցեղասպանության զոհերի հիշատակին նվիրված շապիկներ վաճառել:

«Մենք կցանկանայինք ներողություն խնդրել վաճառասեղանը վարձակալող Թինա Չուլջյանից, Ալեքս Կոդագոլյանից և Արմին Հարիրիից՝ նրանց կողմից վաճառվող ապրանքների հետ կապված թյուրիմացության համար»,-News.am-ի փոխանցմամբ, ասվում է առևտրային կենտրոնի տարածած հայտարարությունում՝ նշելով, որ այդ ապրանքների վաճառքը ավելի քան ողջունելի է:

Հիշեցնենք, որ 2014-ի փետրվարին երեք հայ երիտասարդ գործարարներ վաճառասեղան էին վարձակալել Գլենդելում գտնվող «Ամերիկանա» առևտրային, ռեստորանային և թատերական մեծ համալիրում՝ իրենց shop1915.com կայքում գովազդվող շապիկները, գլխարկները և հագուստի պարագաները վաճառելու համար:
 
Թինա Չուլջյանը, Ալեքս Կոտագոլյանը և Արմին Հարիրին (հայտնի որպես ռեպեր «Ար-Մին») սկսեցին իրենց ապրանքների վաճառքը՝ «Ամերիկանայի» լիզինգի աշխատակիցների կողմից դրանք հաստատելուց հետո:
 
Այդ երեք հայերի բիզնեսի բացման օրը՝ փետրվարի 12-ին, «Ամերիկանայի» ղեկավարությունն անսպասելիորեն հայտնել է նրանց, որ վաճառասեղանից հեռացնեն բողոքի բոլոր պատկերները, իսկ փետրվարի 25-ին «Ամերիկանան» վերջնագիր է ներկայացրել Թինային և նրա երկու գործընկերներին, որ 24 ժամվա ընթացքում նրանք պետք է փոխեն վաճառքի հանված ապրանքատեսականին՝ պնդելով, որ բողոքներ են եղել «ցեղասպանության» հագուստ վաճառելու մասին: Հակառակ դեպքում, նրանք ընդամենը երեք օր ունեն տարածքն ազատելու համար:
ՀՐԱՊԱՐԱԿՈՒՄՆԵՐ
812 reads | 13.03.2015
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com