ՔՐԻՍՏԻՆ ԳՐԵՆՎԻԼ՝ ՉԵՐՉԻԼԻ ՍԻՐԵԼԻ ԿԻՆ ՀԵՏԱԽՈՒՅԶԸ
Սիգարի և խմիչքի հանդեպ իր հետաքրքրությունից զատ՝ Ուինսթոն Չերչիլը, պարզվում է, հետաքրքրություն է ունեցել նաև 20-րդ դարի նշանավոր կին հետախույզի՝ Քրիստին Գրենվիլի հանդեպ, ով նրա սիրելի կին հետախույզն էր, գրում է բրիտանական DAILY MAIL պարբերականը:

Նա որքան գեղեցիկ ու գրավիչ էր, նույնքան նենգ ու վտագավոր՝ իր ճանապահից վերացնելով այն, ինչը վտանգ էր սպառնում իրեն և հարազատներին:

Սեպտեմբերին 17-ին Լոնդոնի Imperial War Museum թանգարանում կայացավ Քրիստին Գրենվիլի լուսանկարների ցուցահանդեսը, որոնք լույս սփռեցին այն մութ իրողությունների ու գործողությունների վրա, որի անմիջական մասնակիցը հետախույզ Քրիստին Գրենվիլն էր:

Լուսանկարներից շատերում նա պատկերված է իր «սև գործն» իրականացնելուց հետո. օրինակ՝ նկարներից մեկում նա ցույց է տալիս, թե ինչպես է պայթեցրել ֆրանսիական քաղաքամերձ կամուջներից մեկը, որը հետո կապող օղակ պիտի լիներ Ֆրանսիան Դաշնակից պետությունների կողմից ազատագրելու համար: Դա Երկրորդ Համաշխարհային պատերազմի տարիներն էին, և Քրիստինը, ինչպես և շատ ու շատ ֆրանսիացիներ, երկար տարիներ փորձում էր քայքայել Նացիստական վարչակարգը և վերահաստատել Ֆրանսիայի Հանրապետությունը:

Ազգությամբ լեհ Քրիստինա Սկարբեկը կամավորագրվել է պատերազմ 1939թ, երբ իր հայրենիքն անցել էր նացիստների լծի տակ: Վրեժի ծարավը սրտում՝ Քրիստինը շուտով ներգրավվում է այսպես կոչված «Սեկցիա D (Section D)» ջոկատ («կործանարարների» ջոկատ), որը հետագայում դառնում է «Հատուկ գործողություններ իրականացնող» ջոկատ, որի գործունեության հիմնական մասն էր կազմում գրավյալ տարածքներում լրտեսություն, հետախուզություն և դիվերսանտներ ուղարկելու առաքելությունը:

Լինելով այս ջոկատի գլխավոր «կործանարարներից» մեկը՝ Քրիստինը լրտեսի իր գործունեությունը սկսում է Հունգարիայում, այնուհետև տեղափոխվում Լեհաստան: 

Նրա ամենամեծ գործարքը կատարվում է Ֆրանսիայում, երբ վերջինս 1944թ. ուղարկվում է Ֆրանսիա (քանի որ նա վարժ տիրապետում էր ֆրանսերենին), և օգնում Դաշնակից պետություններին ներխուժել Ֆրանսիա և ազատել երկիրը նացիստներից:

Քրիստինի առօրյա գործունեության մասն էին ոչ միայն «դաժան սպանությունները»,
այլև խաբեությունն ու մաքսանենգությունը:


Ի դեպ, նա միշտ իր մոտ ունենում էր իր հավատարիմ դաշույն ու ձեռքի նռնակը՝ ի տարբերություն իր մյուս լրտես գործընկերների, ովքեր իրենց տրամադրության տակ ունենում էին մի ամբողջ արսենալ՝ այդ թվում ինքնասպանության համար նախատեսված ցիանիդի նյութ պարունակող հաբ, որը պարկուճի մեջ որպես շղթա կրում էին հետախույզները՝ գերի ընկնելու դեպքում տանջանքներից խուսափելու համար ինքնասպանություն գործելու նպատակով, դաշույն՝ թաքցրած մատիտի կաղապարի մեջ և ատրճանակ:

Հայտնի է, որ Լեհաստանի սահմանը հատելիս Քրիստինը մեծ քանակությամբ մաքսանենգ ապրանքներ է տեղափոխել՝ հսկիչ գեստապոյին վստահեցնելով, որ հիվանդ մոր համար սև շուկայից գնած թեյ է տեղափոխում:

Գրավիչ լեհուհու պրոֆեսիոնալությունը նկատվում էր նաև տղամարդկանց «իր թակարդը գցելու» վարպետության մեջ:

«Անխոս, նա չափազանց գրավիչ կին էր, գրում է պարբերականը, և պատահական չէ, որ Չերչիլը նրան համարել է իր սիրելի կին հետախուզը, թեև նա դա անձամբ չի խոստովանել. այս բացահայտումը փոխանցվել է նրա դերասանուհի դստեր Սառա Չերչիլի կողմից»:

Քրիստինի սիրելիների թվում էին բազմաթիվ սպաներ և հրամանատարներ. լեհ սպա Անդրեյ Կովերսկու հետ վերջինս ծանոթացել էր ծառայության ընթացքում:

Հետաքրքիր է, երբ երկու սիրահարները գերի են ընկնում գեստապոերի ձեռքը, և դահիճներից ազատվելու համար Քրիստինն ուժեղ կծում է լեզուն՝ ձևացնելով, թե իրենք երկուսն էլ տառապում են տուբերկուլիոզ հիվանդությամբ: Գեստապոներին ոչինչ չէր մնում, քան ազատ արձակել երկուսին էլ:

Պարբերականը սիրային հնարավոր կապ է տեսնում մաև Քրիստինի և Յան Ֆլեմինգի՝ հանրահայտ Ջեյմս Բոնդի գրքի հեղինակի միջև, քանի որ Քրիստինն է հենց այն կինը, ում մասին նկարագրվում է Բոնդի կինը լրտեսական ֆիլմի դրվագներում:

1952թ. աշխարհը ցնցվեց Քրիստին Գրենվիլի մահվան գույժով: Վերջինիս սպանել էր իր խանդոտ սիրեկան Ջորջ Մուլդովնը, որին կախաղան հանեցին հանցագործության մեղադրանքով, ինչն էլ պատճառ դարձավ Քրիստինին՝ որպես առասպելական կին լրտես աշխարհին ներկայացնելու համար:

Մահից մեկ տարի անց Ֆլեմինգը հրատարակում է Ջեյմս Բոնդի առաջին վեպը՝ «Ռոյալ Խաղատունը», որտեղ հեղինակը մեծ հարգանքով է խոսում Քրիստինի՝ ըստ նրա՝ միակ կին լրտեսի մասին՝ նշելով, որ նա բոլորի հիշողության մեջ միշտ կմնա որպես «հատուկ գործակալ» կնոջ անկրկնելի նախատիպ, ամփոփում է պարբերականը:

ՄԱՐԳԱՐԻՏ ԱՌԱՔԵԼՅԱՆ
ԲԱՑԱՀԱՅՏՈՒՄՆԵՐ
2592 reads | 24.10.2013
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com