ԱՇԽԱՐՀԱԿԱՐԳԻ ՉԻՆԱԿԱՆ ԱՇԽԱՐՀԱՅԱՑՔԱՅԻՆ ՊԱՏԿԵՐԱՑՄԱՆ ՀԱՐՑԻ ՇՈՒՐՋ ԱՄԵՐԻԿԱՆ ԻՐԱՎՈՒՆՔ ՉՈՒՆԻ ԹԵԼԱԴՐԵԼ ՀԱՅԱՍՏԱՆԻՆ, ՈՐ ՄԱՐԴԱՍԻՐԱԿԱՆ ԽՈՒՄԲ ՉՈՒՂԱՐԿԻ ՍԻՐԻԱ ԱՐՑԱԽԻ ՀԱՆՐԱՊԵՏՈՒԹՅԱՆ (ԼՂՀ) ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅԱՆ ՃԱՆԱՉՄԱՆ ԱՌԿԱ ԱՆԿԱՍԵԼԻ ՀԻՄՔԵՐԸ ՎՃՌԱԿԱՆ ՓԱՇԻՆՅԱՆ. ՀԱՐՅՈՒՐԱՄՅԱԿՆԵՐ ԱՆՑ ՀԱՅ ԶԻՆՈՒԺԻ ԴՐՈՇԱԿԸ՝ ՍԻՐԻԱՅՈՒՄ ՎԱՐՉԱՊԵՏԻ ԱՅՑԻՑ ԱՌԱՋ ԽՈՐՀՐԴԱԿՑՈՒԹՅԱՆ ՆՊԱՏԱԿՈՎ ԻՐԱՆ Է ՀՐԱՎԻՐՎԵԼ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՆԱԽԱԳԱՀԸ ՓԱՇԻՆՅԱՆԻ՝ ԻՇԽԱՆՈՒԹՅԱՆ ԳԱԼՈՒՑ ՀԵՏՈ ԱՇԽՈՒԺԱՑԵԼ Է ՀԱՆԴԻՊՈՒՄՆԵՐԻ ԳՈՐԾԸՆԹԱՑԸ, ԿՈՆՏԱԿՏ ԿԱ․ ԱՐՄԱՆ ՆԱՎԱՍԱՐԴՅԱՆԸ՝ ՓԱՇԻՆՅԱՆ-ԱԼԻԵՎ ՀԱՆԴԻՊՄԱՆ ՄԱՍԻՆ ՀԱՅԱՍՏԱՆԸ ԵՎՐՈՊԱՅԻ ՊԵՐՃԱՆՔԻ ԵՎ ԹՇՎԱՌՈՒԹՅԱՆ ԱՐԱՆՔՈՒՄ ՔՆՆԱՐԿՈՒՄ ԳԱԱ-ՈՒՄ՝ ՆՎԻՐՎԱԾ ՀՐԱՆՏ ԴԻՆՔԻ ՍՊԱՆՈՒԹՅԱՆ 12-ՐԴ ՏԱՐԵԼԻՑԻՆ ԻՆՉՈ՞Ւ ԵՆ ԵՐԿՈՒ ՄԱՅՐՑԱՄԱՔ ԴՈՒՐՍ ՄՆԱՑԵԼ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ԱՇԽԱՐՀԱԳՐՈՒԹՅՈՒՆԻՑ VII. ԲԱՆԱԿՑԱՅԻՆ ԱՐՎԵՍՏ. ԵՐԲ ԴԻՄԱՑԻՆԴ ՔԵԶՆԻՑ ԹՈՒՅԼ Է ԿԱՄ ՈՒԺԵՂ

«ՁԵՌՔԵՐԴ ՎԵ՛Ր» ԱՌԱՆՑ ԶԵՆՔԻ ՍՊԱՌՆԱԼԻՔԻ
ԱՐՄԱՆ ՆԱՎԱՍԱՐԴՅԱՆ
Արտակարգ և լիազոր դեսպան
 
 
 
 
 
Ոչ վերբալ հաղորդակցության վերջին ուսումնասիրությունների արդյունքում ձեռքերի ակտիվ ժեստերը հիմնականում դասակարգվում են վերին, միջին և ցածր մակարդակների: 

Վերին մակարդակի ժեստերը կատարվում են ձեռքերը վեր բարձրացնելու և անութները ցուցադրելու միջոցով, որոնք մարմնի խոցելի զոնա են համարվում: Նման ժեստը հնարավոր է միայն այն դեպքում, երբ մարդը համոզված է՝ դիմացինն իր նկատմամբ թշնամական մտադրություն չունի, վստահում է նրան:

Երբ մարդը չի վախենում դիմացինից, տարածում է ձեռքերը, «բացվում է», կարծես ասում է. «Վստահիր ինձ, քանի որ ես էլ քեզ եմ վստահում»:

Պրոֆեսիոնալ քաղաքական գործիչները ձեռքերի վերին մակարդակի ժեստերը հմտորեն զուգորդում են խոսքի կարևորության և նպատակամղվածության հետ: Այդ տեխնոլոգիային փայլուն տիրապետում էր Անգլիայի նախկին պրեմիեր-մինիստր Մարգրիտ Թետչերը` Երկաթե Լեդին:


Քաղտեխնոլոգները լավ գիտեն մարմնի լեզվի այս գաղտնիքները և խորհուրդ են տալիս նախագահական ընտրարշավի մասնակիցներին ձեռքերը բացառապես «աշխատեցնել» վերին մակարդակի վրա: 

Որպեսզի մարդը ձեռքերը վեր բարձրացնի, հարկ չկա դեմ տալ ատրճանակ ու հրամայել. «Ձեռքերդ վե՛ր»: Օգնեք նրան իրեն զգալ երջանիկ, և նա այդ ժեստը կանի հոժարակամ, ինքնաբերաբար: Հիշեք, թե հաղթանակած մարզիկներն ինչպես են ափերը զարնում իրար գլխից վեր: Իսկ երբ սիրած թիմը գոլ է խփում, երկրպագուները ձեռքերը վեր են բարձրացնում` ի նշան հաղթանակի: Բրազիլիայում, Բելիզում, Բելգիայում, Բոտսվանայում և շատ այլ երկրներում, այդ թվում Հայաստանում, սա ունիվերսալ ժեստ է, որն արտահայտում է ուրախություն և բարձր տրամադրություն: Հիշենք Երևանի Ազատության հրապարակը արցախյան շարժման տարիներին, երբ հարյուրհազարավոր մարդկանց ազգային զգացումների և հույզերի պերճախոս վկայություն առաջին հերթին նրանց վեր պարզած ձեռքերն էին:

Այժմ տեսնենք մեդալի հակառակ երեսը: Նախորդ զրույցներում, երբ խոսում էինք մարդկանց պոզայի մասին, տեսանք, որ որոշ հանգամանքներում չնկատվելու և աչքի չընկնելու համար նրանք կծկվում են, փոքրանում, ասես փորձում են դառնալ անտեսանելի և անէանալ շրջապատի աչքի առաջ: Նրանց ձեռքերն ունեն «թաքնվելու հատկություն», երբ նրանք չեն շարժվում, պասիվ են, գրավում են փոքր տարածություն:

Սուպերմարկետների անվտանգության ծառայողներն անմիջապես նկատում են նման գնորդներին, հետևում և բռնում են գողության անելիս:

Միջին մակարդակի ժեստերը համարվում են չեզոք: Դրանց մասնակցում են միայն ձեռքերը` մինչև նախաբազուկը, իսկ ուսերը մնում են անշարժ` կատարելով պաշտպանական գործառույթ:

Ցածր մակարդակի ժեստերը, որպես կանոն, կապված են բացասական էմոցիաների կամ որևէ տհաճ երևույթի հետ:

Երբ մարդիկ վիճում են, նրանք շարժում են ցուցամատը: Իսկ եթե դրան ավելանում է ինչ-որ մեկին մատնացույց անելը` ցածր, ազդրի կամ ծնկի մակարդակով, համարվում է վիրավորական, անգամ` ստորացնող ժեստ:

Հրապարակային ելույթների ժամանակ փորձված հռետորները խուսափում են ցածր մակարդակի ժեստերից: Ապացուցված է, որ երբ երկրի ղեկավարը խոսում է հարկերի բարձրացման մասին և միաժամանակ շարժում է ձախ ձեռքը ծնկի մակարդակով, նա կորցնում է իր համակիրների 10%-ից ավելին:

Եթե ձեր բարեկամներից մեկը հայտնում է, որ ամուսնանում է և այդ միջոցին տրտում հայացքով նայում է գետնին ու միաժամանակ ձեռքը շարժում է ցածր մակարդակի վրա, դուք մտածում եք` «սեփական կամքո՞վ է ամուսնանում, թե՞ ստիպված:

Հարցը միայն ցածր մակարդակի ժեստիկուլյացիան չէ:

Ընդհանրապես, հռետորը կամ զրուցակիցը շատ բան են կորցնում, երբ նրանց խոսքը և ժեստը չեն համապատասխանում իրար, կամ բացակայում է ոչ վերբալ հաղորդակցության այդ հիմնական բաղադրիչներից մեկնումեկը: Եթե մարդը խոսում է առանց ժեստիկուլյացիայի կամ ընդունում է քարե դեմք` զուրկ որևէ դիմախաղից, նրա հաղորդակցությունը դատապարտված է ձախողման:
ՄԱՐԴԿԱՅԻՆ ՀԱՂՈՐԴԱԿՑՈՒԹՅԱՆ ԳԱՂՏՆԻՔՆԵՐԸ
1360 reads | 21.05.2013
|
avatar

Մուտքանուն:
Գաղտնաբառ:
Copyright © 2019 Diplomat.am tel.: +37491206460, +37499409028 e-mail: diplomat.am@hotmail.com