ԵԳԻՊՏՈՍՈՒՄ ՌԱԶՄԱԿԱՆ ՀԵՂԱՇՐՋՄԱՆ ՀԵՏԵՎԱՆՔՈՎ ԻՇԽԱՆՈՒԹՅԱՆ ԵՆ ՎԵՐԱԴԱՌՆՈՒՄ ԻՍԼԱՄԻՍՏՆԵՐԸ
Եգիպտոսի Սահմանադրական դատարանի նախագահ Ադլի Մանսուրը հուլիսի 4-ին երդվել է որպես երկրի ժամանակավոր նախագահ, հայտնում է Tert.am-ը՝ վկայակոչելով Reuters-ին։ Մանսուրը կղեկավարի երկիրն անցումային շրջանում, որը կտևի մինչ նոր նախագահական ընտրություններ։

Նոր ղեկավարի խնդիրը կլինի երկրի զինված ուժերի հրամանատարության առաջարկած «ճանապարհային քարտեզի» իրագործումը, որը միտված է երկիրը քաղաքական ճգնաժամից դուրս բերելուն, այդ թվում՝ նոր Սահմանադրության մշակումն ու ժամանակավոր կառավարության ձևավորումը։

Եգիպտոսի ժամանակավոր նախագահ Ադլի Մանսուրը «Մուսուլման եղբայրներ» շարժմանը համագործակցության առաջարկ է արել՝ մասնակցել երկրի ապագայի կերտմանը: Իսկ Եգիպտոսի նախագահ Մուհամեդ Մուրսին տնային կալանքի տակ է։ Նա կոչ է արել եգիպտացիներին չտրվել սադրանքների ու տեղի ունեցածն անվանել է ռազմական հեղաշրջում։ Կալանքից հետո Մուհամեդ Մուրսիի աջակիցների ու հակառակորդների միջև կրկին բախումներ են տեղի ունեցել, որոնց հետևանքով զոհվել է 32 մարդ։

Եգիպտական ներքաղաքական ճգնաժամին անդրադարձել է ԱՄՆ նախագահ Բարաք Օբաման, ով երկրի զինված ուժերին կոչ է արել հնարավորինս շուտ իշխանությունը փոխանցել ժողովրդավարական ճանապարհով ընտրված քաղաքացիական կառավարությանը։

Եվրոպական Միությունը իր հերթին Եգիպտոսում ստեղծված լարված իրավիճակի բոլոր կողմերին կոչ է արել դրսևորել առավելագույն զսպվածություն: «Ես կոչ եմ անում կողմերին վերադառնալ ժողովրդավարական գործընթացին, այդ թվում նաև անցկացնել ազատ և ազնիվ նախագահական և խորհրդարանական ընտրություններ և ընդունել Սահմանադրություն՝ ժողովրդավարությանն անցումը վերականգնելու և ավարտելու նպատակով»,- ասել է ԵՄ դիվանագիտության ղեկավար Քեթրին Էշթոնը։
ՃԳՆԱԺԱՄԱՅԻՆ ԴԻՎԱՆԱԳԻՏՈՒԹՅՈՒՆ
644 reads | 04.07.2013
|
avatar

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com