ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ ՄԻԶԵԼ ՔԱՄՈՒ ԴԵՄ. ԴԻՎԱՆԱԳԵՏԸ ՆԵՐՀԱՅԱՍՏԱՆՅԱՆ ԻՐԱԴԱՐՁՈՒԹՅՈՒՆՆԵՐԻ ՄԱՍԻՆ ԱՐՏԱԿԱՐԳ և ԼԻԱԶՈՐ ԴԵՍՊԱՆ ԱՐՄԱՆ ՆԱՎԱՍԱՐԴՅԱՆԻ ԿՈՉԸ ՆԵՐՔԱՂԱՔԱԿԱՆ ԻՐԱԴԱՐՁՈՒԹՅՈՒՆՆԵՐԻ ՖՈՆԻՆ ՄՀԵՐ ՍԱՀԱԿՅԱՆԸ ՀՐԱՎԻՐՎԵԼ ԷՐ ԲԱՆԱԽՈՍԵԼՈՒ ՄՈՍԿՎԱՅԻ Մ. Վ. ԼՈՄՈՆՈՍՈՎԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆԻ «ԼՈՄՈՆՈՍՈՎՅԱՆ ԸՆԹԵՐՑՈՒՄՆԵՐ-2018» ԳԻՏԱԺՈՂՈՎՈՒՄ

ՍԻՐԻԱԿԱՆ ՃԳՆԱԺԱՄ. 7-Ը` 1-Ի ԴԵՄ
ԱՐՄԱՆ ՆԱՎԱՍԱՐԴՅԱՆ
Արտակարգ և լիազոր դեսպան







Վարագույրն իջավ, շապիտոն հավաքվեց և G8-ը թողեց Հյուսիսային Իռլանդիան:

Գագաթնաժողովի մեխը, որին սրտատրոփ հետևում էին երկրներն ու ժողովուրդները, Սիրիայի քաղաքացիական պատերազմն էր, որն արդեն հարյուր հազարավոր կյանքեր է տարել և սպառնում է տարածվել տարածաշրջանից անդին:

Իսկ արդյունքը Օ է: Հսկաներն ընդամենը մուկ ծնեցին:

Եթե իրերն անվանելու լինենք իրենց անուններով, ապա դա երկու լիդերների` Պուտինի և Օբամայի հանդիպումն էր: Մյուսներն ամերիկյան կողմի ձայնակցողներն էին, պապից ավելի պապականներ: Նկատած կլինեք, որ այս կարգի մարտնչողները միշտ ավելի ակտիվ են հանդես գալիս, քան իրենց առաջնորդը, հարձակվում են, հետո թաքնվում նրա թիկունքում: Այդպես է և՛ կյանքում, և՛ բնության մեջ: Հիշեք բորենուն Կիպլինգի հայտնի պատմվածքից:

Այնպես որ, գագաթնաժողովում Ռուսաստանի դեմ, այսինքն՝ Ասադի հեռանալու և գրոհայիններին զենք մատակարարելու օգտին, եռանդով հանդես էին գալիս Անգլիայի պրեմիեր Քեմերոնը և Ֆրանսիայի նախագահ Հոլանդը, իսկ Գերմանիայի նախագահ Հաուկն ավելի հեռուն գնաց` մեղադրելով Մոսկվային մարդու իրավունքների և դեմոկրատիայի խախտման մեջ: Միայն Իտալիայի նորընտիր պրեմիեր Էնրիկո Լետան կոչ արեց համաձայնության գալ, ինչն առանձին տպավորություն չթողեց հակամարտող կողմերի վրա:

Մեծերից երկու ամենամեծերի` Օբամայի և Պուտինի երկխոսությունն իր բնույթով, թերևս, ամենակոշտը կարելի է համարել սիրիական խնդրի շուրջ մինչ այդ նրանց վարած բոլոր բանակցություններից:

Լինելով փորձված քաղաքական գործիչներ և հմուտ բանակցողներ՝ երկու նախագահները, ինչպես կարելի էր կարդալ նրանց դիմախաղից ու ժեստերից, մեծ ճիգեր էին գործադրում վայելչության և դիվանագիտական էթիկայի սահմանները չխախտելու համար: Նրանք անգամ իրենց մեջ ուժ գտան կատակելու սպորտային թեմայով: Սակայն այդ ամենը հիշեցնում էր վատ խաղ վայելուչ կեցվածքով, որը վերջին հաշվով մազաչափ անգամ չօգնեց խնդրի լուծմանը:

Պուտինը կտրուկ կերպով հրաժարվեց դադարեցնել աջակցությունը Բաշար ալ Ասադի ռեժիմին, իսկ Օբաման, մոռանալով ‹‹փափուկ ուժի›› դիվանագիտության իր գործելակերպը, հայտարարեց ընդդիմությանը զինելու իր ու եվրոպացիների մտադրության մասին, և այս ենթատեստքում կարելի է ասել, որ գագաթնաժողովը մտավ փակուղի:

Այդուհանդերձ, բանակցությունների ավարտից հետո երկու նախագահները լրագրողներին հավաստիացրին, որ գոհ են հանդիպման արդյունքներից:
Ի՞նչ է սա, ապատեղեկատվությու՞ն, թե՞ դիվանագիտական խաբկանք:

Իմ կարծիքով՝ ո՛չ մեկը և ո՛չ էլ մյուսը: Բացառված չէ, որ իռլանդական հանդիպումը շատ ավելի վատ ավարտ կարող էր ունենալ: Արևմուտքը և նրանց արաբական հակաասադական համախոհները կարող էին անմիջապես ձեռնամուխ լինել գրոհայինների զինմանը՝ առանց պարզելու, թե վերջիվերջո ով է օգտագործում այդ չարաբաստիկ զարին կոչվող գազը, Ասա՞դը, թե՞ նրա հակառակորդները, իսկ Ռուսաստանը կարող էր գնալ ավելի վճռական գործողությունների: Երկու դեպքում էլ կմեծանար քաղաքացիական պատերազմի տարածման ռեալ վտանգը Մերձավոր Արևելքի սահմաններից դուրս:

Ռուս մեկնաբաններն այն կարծիքին են, որ դժվարին գոտեմարտում Մոսկվան տարավ դիվանագիտական փայլուն հաղթանակ: Դժվարանում եմ ասել՝ փայլուն, թե ոչ, բայց չի կարելի չհամաձայնել, որ ռուսական կողմն, իրոք, արձանագրեց որոշակի հաջողություններ:

Նախ օրակարգում մնաց Ժնևյան խորհրդակցություն հրավիրելու հարցը, որի նախաձեռնողները Պուտինն ու Օբաման են:

Եվ Պուտինի համար ամենակարևորը՝ Օբաման չհրաժարվեց մասնակցել ‹‹20 մեծերի››, ինչպես նաև առանձին ռուս-ամերիկյան գագաթնաժողովներին, որոնք կկայանան Սանկտ Պետերբուրգում առաջիկա սեպտեմբերին:

Չնայած որոշ քաղաքագետների առաջ քաշած տեսակետին, թե Լեռնային Ղարաբաղի ստատուս քվոյի սառեցումը բխում է մեր` հայկական կողմի շահերից, ըստ իս՝ գագաթնաժողովում Մինսկի խմբի եռանախագահների ընդունած հայտարարությունն արժանի է դրվատանքի:

Կոնֆլիկտի հավերժացումն արատավոր քաղաքականություն է, և որքան արագ այն հանգուցալուծվի, այնքան լավ դրա մասնակից կողմերի, ինչպես նաև տարածաշրջանի համար:

Հետո, վերջին հաշվով երկու կարծիք լինել չի կարող, որ դիվանագիտության մեջ բանակցությունը, ինչպիսին էլ որ լինի, լռությունից լավ է:
ՃԳՆԱԺԱՄԱՅԻՆ ԴԻՎԱՆԱԳԻՏՈՒԹՅՈՒՆ
2373 reads | 22.06.2013
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com