ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ ՄԻԶԵԼ ՔԱՄՈՒ ԴԵՄ. ԴԻՎԱՆԱԳԵՏԸ ՆԵՐՀԱՅԱՍՏԱՆՅԱՆ ԻՐԱԴԱՐՁՈՒԹՅՈՒՆՆԵՐԻ ՄԱՍԻՆ ԱՐՏԱԿԱՐԳ և ԼԻԱԶՈՐ ԴԵՍՊԱՆ ԱՐՄԱՆ ՆԱՎԱՍԱՐԴՅԱՆԻ ԿՈՉԸ ՆԵՐՔԱՂԱՔԱԿԱՆ ԻՐԱԴԱՐՁՈՒԹՅՈՒՆՆԵՐԻ ՖՈՆԻՆ ՄՀԵՐ ՍԱՀԱԿՅԱՆԸ ՀՐԱՎԻՐՎԵԼ ԷՐ ԲԱՆԱԽՈՍԵԼՈՒ ՄՈՍԿՎԱՅԻ Մ. Վ. ԼՈՄՈՆՈՍՈՎԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆԻ «ԼՈՄՈՆՈՍՈՎՅԱՆ ԸՆԹԵՐՑՈՒՄՆԵՐ-2018» ԳԻՏԱԺՈՂՈՎՈՒՄ

ԴԻՎԱՆԱԳԵՏԻ ԿԱՆԽԱԶԳԱՑՈՒՄԸ ՑԱՎԱԼԻՈՐԵՆ ԻՐԱԿԱՆԱՑԱՎ. ՊԱՏԱՍԽԱՆ ՍՓՅՈՒՌՔԻ ՆԱԽԱՐԱՐԻՆ

Արտատպելով ‹‹Ժողովուրդ›› օրարթերթում զետեղված ՀՀ Սփյուռքի նախարար Հրանուշ Հակոբյանի ‹‹Պատասխանատուն միայն սփյուռքի նախարարությունը չէ›› վերտառությամբ հարցազրույցը, ‹‹DILOMAT.AM››-ը հարկ է համարում նշել:

Այնտեղ նկարագրվող իրադարձությունները՝ XXI-րդ լուսավոր դարում հայ ժողովրդի մի կարևոր հատվածի` սիրիահայության նկատմամբ իսլամական ծայրահեղականների կողմից  իրագործվող բռնարարքներն ու վայրագություններն են, որոնք ցավալիորեն հիշեցնում են  1915 թվականի Հայոց Մեծ եղեռնը, որի 100-րդ տարելիցը ներկայումս նշվում է  ողջ աշխարհում, և, ասես, այդ ողբերգության տարատեսակ շարունակությունն են:

Իհարկե, ինչպես նշում է մեծարգո նախարարը, կատարվածի պատասխանատուն միայն սփյուռքի նախարարությունը չէ: Պատասխանատու են Հայաստանի կառավարությունը, ողջ հանրապետությունը, սփյուռքը, մեզանից յուրաքանչյուրը` վերջապես: Պատասխանատու ենք այն բանի համար, որ հենց սկզբից չըմբռնեցինք սպասվելիք արհավիրքի մասշտաբներն ու անուղղելի հետևանքները, կամ էլ չուզեցինք հասկանալ:   Թերևս հուսացինք, որ վտանգը կանցնի, և ամեն ինչ լավ կլինի…

Իսկապես որ հույսը վերջինն է  մեռնում: Մինչդեռ, Նոստրադամուս պետք չէր լինել հասկանալու համար, թե ինչ կարող է տեղի ունենալ: Եվ ոչ միայն հասկանալ, այլև անել հնարավորն ու անհնարը սիրահայերին ամեն գնով և միջոցներով դուրս բերելու կրակի ամենակուլ  օղակից:   Իսկ երբ սակավաթիվ քաղաքագետները, այդ թվում, տողերիս հեղինակը, դեռևս իրադարձությունների սկզբին փորձեցին տագնապ հնչեցնել,  զգուշացնել, որ  ազգի այդ հատվածին սպառնում է ‹‹Բարդուղիմեոսյան գիշեր››  ու արեցին մի շարք կոնկրետ դիվանագիտական, հասարակական և համազգային առաջարկներ, ենթարկվեցին օբստրուկցիայի ու քննադատության տարբեր կուսակցությունների և անհատների կողմից, ինչպես Հայաստանում, այնպես էլ դրսում: Նրանց հասցեին հնչեցին ‹‹խուճապ սերմանելու››, ‹‹իզուր տագնապ բարձրացնելու››,   ‹‹սիրահայության մարտունակությունն ու  դիմադրելու կամքը կասկածի տակ դնելու›› և նման իռացիոնալ այլ մեղադրանքներ:

Ստորև ներկայացնում ենք մի քանիսը այն բազմաթիվ հրապարակումներից, որոնք արվել են Diplomat.am-ում 2012-2015թթ. սիրիահայության ճակատագրի և նրանց անվտանգության անհապաղ ապահովման առումով.

ՍԻՐԻԱՀԱՅՈՒԹՅՈՒՆԸ՝ ԻՇԽՈՂ ԱԼԱՎԻԶՄԻ ԵՎ ՄԱՐՏՆՉՈՂ ԻՍԼԱՄԻԶՄԻ ՄԻՋԵՎ  (14.10.2013)
ԱՐՄԱՆ ՆԱՎԱՍԱՐԴՅԱՆ. ՍԻՐԻԱԿԱՆ ՀԱԿԱՄԱՐՏՈՒԹՅԱՆ ՄԵՋ ՀԱՅԿԱԿԱՆ ԴԻՎԱՆԱԳԻՏՈՒԹՅՈՒՆԸ «ՊԼԻՆՏՈՒՍԻՑ» ՑԱԾՐ Է (04.09.2013)
«ԻՆ-ՏԵՐ-ՆԱ-ՑԻՈ-ՆԱ-ԼԸ՜ ԱՇ-ԽԱՐ-ՀԸ՜ ԿԸ-ՓՐ-ԿԵ՜» ԿԱՄ ... ՎԱՐԻԱՑԻԱՆԵՐ ՍԻՐԻԱԿԱՆ ԹԵՄԱՆԵՐՈՎ  (08.10.2013)
ՔԻՄԻԱԿԱՆ ԶԵՆՔԻ ԴԻՎԱՆԱԳԻՏՈՒԹՅՈՒՆԸ (16.09.2013)

Դիվանագետի համար ամենամեծ պարգևը նրա կանխագուշակման իրականացումն է: Հազար ափսոս, որ այդ կանխագուշակումն այս դեպքում ճիշտ է դուրս գալիս: 
 
Արման Նավասարդյան
Արտակարգ և լիազոր դեսպան

ՃԳՆԱԺԱՄԱՅԻՆ ԴԻՎԱՆԱԳԻՏՈՒԹՅՈՒՆ
2813 reads | 19.04.2015
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com