ԲԱՑԱՀԱՅՏՈՒՄ. ԱԴՐԲԵՋԱՆԸ, ԹՈՒՐՔԻԱՆ ՈՒ ԻՍՐԱՅԵԼԸ ԱՀԱԲԵԿԻՉՆԵՐԻ ՆԱՎԹԸ ՏԱՆՈՒՄ ԵՆ ԵՎՐՈՊԱԿԱՆ ՍԵՎ ՇՈՒԿԱ
ՆԱԻՐԻ ՀՈԽԻԿՅԱՆ
Լրագրող, տարածաշրջանային և միջէթնիկ հակամարտություններ, ԵՐԵՎԱՆ





Իրանական հետախուզությունը բացահայտել է Սիրիայի և Իրաքի ահաբեկչական խմբավորումների իրական գործունեության և նրանց հովանավորների մանրամասները: 2014-ի կեսին միանգամից ակտիվացած իսլամական պետությունը առաջին հերթին հսկողության տակ վերցրեց նավթով հարուստ տարածքները՝ նախ այդ երկրներին զրկելով լրացուցիչ ռեսուրսներից, հետո կատարելով պատվիրատուների պահանջները: Փաստերը հերքել չի կարողացել նույնիսկ թուրքական կողմը:

Քաղաքական վերլուծաբան Ռուդիկ Յարալյանը նշում է. «Իսլամական հսկողության տակ գտնվող նավթահանքերից նավթը տեղափոխվում է Թուրքիայի Ջեյհան նավահանգիստ, իսկ այնտեղից ադրբեջանցի միլիարդատեր Մուբարիզ Մանսիմովին պատկանող Palmali Shipping & Agency ընկերության տանկերներով տեղափոխվում է իսրայելական Աշկելոն նավահանգիստ, որտեղից էլ փաթեթավորվելով և համապատասխան պիտակավորում ստանալով՝ տեղափոխվում է եվրոպական որոշ երկրներ»:

Ադրբեջանցի օլիգարխի ընկերությունը գրանցված է Ստամբուլում, բայց հիմնական գործունեություն ծավալում է Իսրայելի ու եվրոպական երկրների միջև բեռնափոխադրումների ոլորտում: Ֆրանսիական Voltairenet պարբերականում հրապարակված տեղեկությունը եվրոպական շուկաներում դարձել է սկանդալների պատճառ, քանի որ Իրաքից ու Սիրիայից արտահանվող նավթը փաստացի ստվերային ճանապարհ է անցնում՝ անմիջականորեն հարվածելով խոշոր արդյունահանողների բիզնեսին: Իրողությունը փաստացի չհերքեց նաև Palmali Shipping & Agency ընկերության ներկայացուցիչը՝ պատասխանելով մեր ուղարկած նամակին:

«Մեր ընկերությունը զբաղվում է միայն օրինական գործերով: Մենք աշխատում ենք տարբեր երկրներում: Իսրայելը ևս մեր գործընկերն է, իսկ Սիրիայում հիմա քաղաքացիական պատերազմ է, հետևաբար մենք աշխատում ենք այն ուժերի հետ, որոնք փաստացի ղեկավարում են»:
 
Վերլուծաբան Ռուդիկ Յարալյանը նշում է՝ չնայած ադրբեջանաթուրքական փողերը մտել են մեծ քաղաքականություն և կարող են դառնալ միջազգային սկանդալի պատճառ, բայց մեր հարևան երկու պետությունները ունեն մեկ այլ նպատակ՝ օգտագործել Իսլամական պետության ահաբեկիչներին՝ խանգարելով քրդական շարժմանը:

Մեկ զարկով ոչ թե 2, այլ երեք նապաստակ: Թուրքական ու ադրբեջանական նավթադոլարներով զինվող իսլամական պետությունը հայտարարել է նաև Իրանը թիրախ ընտրելու մասին:

«Ես ենթադրում եմ, որ Թուրքիայի և Ադրբեջանի միջև կարող է լինել պայմանավորվածություն, որ որոշ ժամանակ անց իսլամական ծայրահեղականության ալիքը պետք է շրջել դեպի Հայաստան, Արցախ, ինչու չէ նաև Իրանի հյուսիսային շրջաններ». Ռուդիկ Յարալյան:
 
Իրանական հետախուզության մեկ այլ բացահայտումով վերևում հիշատակված ադրբեջանական կազմակերպությունը նավթի անվան տակ Միջերկրական ծովով զենք է տեղափոխում Թուրքիա, հետո ցամաքային ճանապարհով հասցնում ահաբեկիչներին: Եվրոպական լրատվամիջոցները մի քանի օր առաջ հրապարակեցին թուրք զինծառայողների և իսլամական պետության զինյալների բարեկամական լուսանկարներ: Չնայած արևմտյան որոշ տերությունների ձեռնտու է սև շուկայից էժան գնով ձեռք բերել Իրաքից ու Սիրիայից ներկրվող նավթ, բայց Եվրոպան ու Միացյալ Նահանգները արդեն հայտարարել են ԻԼԻՊ-ի դեմ սկզբունքային պայքար մղելու մասին՝ Ջո Բայդենի բերանով զգուշացնելով Թուրքիային հեռու մնալ ահաբեկիչների հետ ընկերության արկածախնդիր մտքից: նոյեմբերի 24-ի վեցնյակի հետ բանակցությունից հետո հավանաբար Իրանը կմիանա արևմտյան կոալիցիային՝ ընդդեմ իսլամական պետության:
ՏԱՐԱԾԱՇՐՋԱՆԱՅԻՆ ԵՎ ՄԻՋԷԹՆԻԿ ՀԱԿԱՄԱՐՏՈՒԹՅՈՒՆՆԵՐ
1097 reads | 18.10.2014
|
avatar

avatar
1
1
Պարոն Հոխիկյան, ես Ձեզ մի հարց ունեմ:Ասվածից կարելի է ենթադրել, որ թուրք-ադրբեջանական ուժերը համագործակցում են Իսրայելի հետ:Ինչ կնշանակի այդ ամենը Իսրայելի վերջին հայտարարությունից հետո Ադրբեջանի նկատմամբ կոշտ դիրքորոշման ու պատժամիջոցներ կիրառելու վերաբերյալ:
avatar
0
2
շնորհակալ եմ հարցի համար:
Այն, որ թուրք-ադրբեջանական ուժերը համագործակցում են Իսրայելի հետ, ոչ ոքի համար գաղտնիք չէ և վաղուց գաղտնիք չէ: Սակայն պետք չէ ենթադրել, որ եթե համագործակցում են, ապա պետք է նաև սիրեն իրար մինչև վերջ: Կան խնդիրներ, որոնք հնարավոր չէ հարթել, իսկ երբ գլուխ է բարձրացնում իրար վրա ճնշում գործադրելու և իրար շանտաժի ենթարկելու հնարավորությունը, ապա դրանից ևս չեն հրաժարվում: Այն, որ Իսրայելը պարբերաբար օգտագործում է Հայոց ցեղասպանությունը Թուրքիայի վրա ազդելու համար, փաստ է, և մեծ քաղաքականության մեջ նորմալ երևույթ: Այդպես էլ պետք է լիներ: նույնն է նաև Ադրբեջանի դեպքում: Այստեղ գործի է դրվում մարդու իրավունքների խնդիրը: Նույնպիսի լծակներ էլ թուրքերն են օգտագործում հրեաների դեմ՝ կապված Գազայի բնակչության հետ:
avatar
0
3
Շնորհակալություն պատասխանի համար:

Մականուն:
Գաղտնաբառ:
Copyright © 2017 Diplomat.am tel.: +37491206460, +37499409028 e-mail: diplomat.am@hotmail.com