ԱՇԽԱՐՀԱԿԱՐԳԻ ՉԻՆԱԿԱՆ ԱՇԽԱՐՀԱՅԱՑՔԱՅԻՆ ՊԱՏԿԵՐԱՑՄԱՆ ՀԱՐՑԻ ՇՈՒՐՋ ԱՄԵՐԻԿԱՆ ԻՐԱՎՈՒՆՔ ՉՈՒՆԻ ԹԵԼԱԴՐԵԼ ՀԱՅԱՍՏԱՆԻՆ, ՈՐ ՄԱՐԴԱՍԻՐԱԿԱՆ ԽՈՒՄԲ ՉՈՒՂԱՐԿԻ ՍԻՐԻԱ ԱՐՑԱԽԻ ՀԱՆՐԱՊԵՏՈՒԹՅԱՆ (ԼՂՀ) ՏԱՐԱԾՔԱՅԻՆ ԱՄԲՈՂՋԱԿԱՆՈՒԹՅԱՆ ՃԱՆԱՉՄԱՆ ԱՌԿԱ ԱՆԿԱՍԵԼԻ ՀԻՄՔԵՐԸ ՎՃՌԱԿԱՆ ՓԱՇԻՆՅԱՆ. ՀԱՐՅՈՒՐԱՄՅԱԿՆԵՐ ԱՆՑ ՀԱՅ ԶԻՆՈՒԺԻ ԴՐՈՇԱԿԸ՝ ՍԻՐԻԱՅՈՒՄ ՎԱՐՉԱՊԵՏԻ ԱՅՑԻՑ ԱՌԱՋ ԽՈՐՀՐԴԱԿՑՈՒԹՅԱՆ ՆՊԱՏԱԿՈՎ ԻՐԱՆ Է ՀՐԱՎԻՐՎԵԼ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՆԱԽԱԳԱՀԸ ՓԱՇԻՆՅԱՆԻ՝ ԻՇԽԱՆՈՒԹՅԱՆ ԳԱԼՈՒՑ ՀԵՏՈ ԱՇԽՈՒԺԱՑԵԼ Է ՀԱՆԴԻՊՈՒՄՆԵՐԻ ԳՈՐԾԸՆԹԱՑԸ, ԿՈՆՏԱԿՏ ԿԱ․ ԱՐՄԱՆ ՆԱՎԱՍԱՐԴՅԱՆԸ՝ ՓԱՇԻՆՅԱՆ-ԱԼԻԵՎ ՀԱՆԴԻՊՄԱՆ ՄԱՍԻՆ ՀԱՅԱՍՏԱՆԸ ԵՎՐՈՊԱՅԻ ՊԵՐՃԱՆՔԻ ԵՎ ԹՇՎԱՌՈՒԹՅԱՆ ԱՐԱՆՔՈՒՄ ՔՆՆԱՐԿՈՒՄ ԳԱԱ-ՈՒՄ՝ ՆՎԻՐՎԱԾ ՀՐԱՆՏ ԴԻՆՔԻ ՍՊԱՆՈՒԹՅԱՆ 12-ՐԴ ՏԱՐԵԼԻՑԻՆ ԻՆՉՈ՞Ւ ԵՆ ԵՐԿՈՒ ՄԱՅՐՑԱՄԱՔ ԴՈՒՐՍ ՄՆԱՑԵԼ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ԱՇԽԱՐՀԱԳՐՈՒԹՅՈՒՆԻՑ VII. ԲԱՆԱԿՑԱՅԻՆ ԱՐՎԵՍՏ. ԵՐԲ ԴԻՄԱՑԻՆԴ ՔԵԶՆԻՑ ԹՈՒՅԼ Է ԿԱՄ ՈՒԺԵՂ

ԱՐՏԱԳԱՂԹԸ՝ ՈՐՊԵՍ ԱԶԳԱՅԻՆ ԱՂԵՏ. ԻՄԱՑԻՐ, ՈՒՐ ԵՍ ՄԵԿՆՈՒՄ
ԱՐՄԱՆ ՆԱՎԱՍԱՐԴՅԱՆ
Արտակարգ և լիազոր դեսպան






ՍԿԻԶԲԸ՝

2012 թվականի առաջին եռամսյակում ՀՀ-ում ծնվել է 9 հազար 569 երեխա, մինչդեռ նախորդ տարվա նույն ժամանակահատվածում ծնվածների թիվը կազմել է 10 հազար 144: Փոխարենը ավելացել է մահացածների թիվը` 7 հազար 953` նախորդ տարվա 7 հազար 784-ի փոխարեն: (Մենք, իրոք, ֆենոմենալ ազգ ենք. Ազգային ժողովի վերջին ընտրություններին ավելի շատ մարդ մասնակցեց, քան գոյություն ունի երկրում): Լավատես ընթերցողը կարող է առարկել, թե ի՞նչ է պատահել. բերված թվերը մի բան չեն: Դա կլիներ այդպես, եթե մենք դառնայինք չինացի կամ հնդիկ: ֆուտուրոլոգ պետք չէ լինել` հասկանալու համար, որ եթե այսպես շարունակվի, մի հիսուն տարի հետո մենք` որպես ազգ, կդադարենք գոյություն ունենալուց` համենայն դեպս այս արեալում: Գոգոլն այն կարծիքին է եղել, որ Ռուսաստանի հիմնական պրոբլեմը հիմարները և ճանապարհներն են: Հայաստանի ճանապարհներն էլ մի բան չեն, սակայն հայկական գերագույն պրոբլեմն այսօր, իմ կարծիքով, թանձրամիտներն են, որոնք պինդ կառչած են վարչակառավարական բազկաթոռներից, մեկ էլ արտագաղթն է, որը կրծում է պետականության հիմքերը:



‹‹Էս երկիրը երկիր չի›› արտահայտությունն այսօր դուք կլսեք հայրենիքը լքող հայից: Նրանից, ով ձայնը հինգ հազար դրամով ծախում է ընտրությունների ժամանակ, և նրանից, ով ունի գիտական տիտղոսներ, ուսյալ է, անգամ` կարդացած: Իրեն ծնած, սնած և կրթություն տված երկրի մասին այս ցինիկ և անբարոյական արտահայտությունը նրանք ժակո թութակի համառությամբ կրկնում են` սկսած վիզայի համար օտար երկրի դեսպանություն մտնելուց` մինչև ինքնաթիռ բարձրանալը: Այդ արգահատելի բառերը ծառայում են որպես մեղքերի թողություն (իդուլգենցիա) բոլոր մեկնողների համար` լինի թերուս քաղքենի, բարձրորակ մասնագետ, նրբաճաշակ արվեստագետ թե պետական չինովնիկ: Կա հայրենիքից հեռացող մի ուրիշ տեսակ ևս` մեծահարուստը, որն արդարանալու ո’չ ժամանակ ունի, ո’չ էլ հավես: Նա նախ, իրավապահ մարմինների անտարբեր հայացքի տակ, արտահանում է իր բազմամիլիոն գողացված (գոնե սկզբնական շրջանում) կապիտալը, հետո հեռանում է ինքը` սուս-փուս, առանց բանկետի ու հրավառության: Աստված իր հետ: Մեկ է` նա չէ, որ փրկելու է երկիրը, ոչ էլ կարիքավորի համար դառնալու է Մորգան կամ Մանթաշյանց: Բոշան փաշա չի դառնում: Երբեք: 
Արտագաղթի ճանապարհները տարբեր են: Օրինակ, մի քանի տարի առաջ իմ հեռավոր ազգականուհիներից մեկը` երիտասարդ մի աղջիկ, ուզում էր մեկնել Գերմանիա: Ամեն կերպ և ամեն գնով: Իմանալով նրա մտավոր և գործնական կարողությունների խիստ ցածր մակարդակը, այն աստիճանի ցածր, որ, ինչպես ասում են, ‹‹երկու էշի գարի բաժանել չի կարող›› հարցրի, թե ի՞նչ է անելու Գերմանիայում: Պատասխանն ինձ սկզբում ապշեցրեց, հետո կարգին զվարճացրեց: ‹‹Գնում եմ հանձնվեմ Կարմիր խաչին››,- ինկվիզիցիայի խարույկի աստիճաններով բարձրացող քիրստոնիայի վեհանձնությամբ, առանց աչքը թարթելու պատասխանեց օրիորդը: Մի քանի տարի անց նրա հայրը շատ գոհ պատմում էր բոլորին, թե աղջիկը գնացել, ‹‹հաջողությամբ հանձնվել է›› գերմանական իշխանություններին և ‹‹շատ էլ լավ ապրում է››:
Մեկնելու հավակնորդների մեջ կհանդիպեք մարդկանց, որոնք հայտարարում են, թե ռեժիմը հալածում է իրենց` քաղաքական հայացքների, ոչ ավանդական սեռական ուղղվածության (եթե պետք է` սա պատրաստ են տեղում ապացուցել), կրոնական դավանաբանության և այլ հազար ու մի ուրիշ գործած ու չգործած մեղքերի համար: Անշուշտ, լավագույնը օրինական ճանապարհով արտագաղթելն է: Արտասահման մեկնելու թույլտվությունը, անկախ երկրից, անվանվում է ‹‹green card››, որով հավանաբար տուրք է մատուցվում Ամերիկայի անվիճելի հզորությանն ու հարստությանը: Իսկ թե ինչ գույն կա այդ ‹‹կանաչ քարտի›› հետևում` այլ հարց է:
 Արտագաղթի աքիլլեսյան գարշապարը տեղեկատվության պակասն է կամ ապատեղեկատվությունն այն երկրի մասին, որին ուղղված է Հայաստանից զզված նրա քաղաքացու տենչալի հայացքը: Կա հնուց եկող անքննելի մի ճշմարտություն. ‹‹Քո երկիրը քո' երկիրն է, անկախ նրանից` նա լավն է, թե վատ››: Մեկ էլ ռուսների դիպուկ ասվածը. ‹‹Սիրիր հայրենիքդ, երբ եղանակն անբարենպսատ է››: Ուրեմն, երբ մարդն առանց աչքը թարթելու հայտարարում է, որ իր ‹‹երկիրը երկիր չի››, նա առնվազն պետք է գոնե մոտավորապես իմանա, թե որ ‹‹երկիրն է երկիր››, որտեղ ինքը պատրաստվում է հանգրվանել: Մինչդեռ արտասահման արտագաղթում են նրանք, ովքեր քթներն անգամ դուրս չեն հանել հանրապետությունից, իսկ մյուսները դիտել են արտերկրի հրաշալիքներն ավտոբուսի պատուհանից: Իհարկե, կան արտագաղթողներ, որոնք երկար ապրել են դրսում, անգամ տներ և բիզնես ունեն այնտեղ, բայց, միևնույն է, նրանք նույնպես չգիտեն կամ վատ գիտեն, թե ինչ է արտերկիրը, հետևաբար անտեղյակ են, թե ինչ է իրենց և իրենց երեխաներին սպասում, երբ արդեն այրել են հայրենիքի հետ կապող կամուրջները, երբ անցել են, անդառնելիության Ռուբիկոնը: Գոյություն ունի այսպիսի նաֆտալինոտ անեկդոտ: Հանգուցյալին երկնքում դիմավորում է հերթապահ հրեշտակապետը: ‹‹Որտեղ կցանկանայիր բնակություն հաստատել, որդյակս, դրախտու՞մ, թե դժոխքու՞մ, ընտրիր››: ‹‹Նախ տեսնեմ ինչ կա դժոխքում: Դրախտը հո կա ու կա,- մտածում է հանգուցյալը և ներս մտնում››: Նա ապշահար է լինում և զմայլվում: Համընդանուր ուրախություն, պար, երաժշտություն, շամպայնի շատրվաններ, ստրիպտիզ, կիսամերկ կանայք: Հետո որոշում է բոլոր դեպքերում այցելել նաև դրախտ: Այստեղ գերեզմանային լռություն է, մարդիկ ասես ուրվականներ լինեն, կանայք գլուխները կախ անտարբեր անցնում են կողքովդ, ոչ մի խմիչք, համատարած ձանձրույթ: Նա դուրս է գալիս և արագ մտնում դժոխք: Ներս մտած չմտած սատանաները բռնում են նրան և նետում եռացող կաթսայի մեջ: ‹‹Այս ինչ եք անում, բաց թողեք, սա դժոխքը չէ,- սկսում է գոռալ հանգուցյալը ››: ‹‹Դժոխքն է, դժոխքն է: Կարողացիր տարբերել զբոսաշրջիկությունը իմիգացիայից որդյակ իմ,-դրսից լսվում է հերթապահ հրեշտակապետի ձայնը:

ՇԱՐՈՒՆԱԿԵԼԻ...
ԱՐՏԱԳԱՂԹ
1590 reads | 10.02.2013
|
avatar

Մուտքանուն:
Գաղտնաբառ:
Copyright © 2019 Diplomat.am tel.: +37491206460, +37499409028 e-mail: diplomat.am@hotmail.com