добавить материал CONTACTS
Զուգահեռներ հայ և հրեա ժողովուրդների միջև Ո՞վ կփոխարինի Էրդողանին. ԻՍԼԱՄԱԿԱՆ ԻՐԱՎՈՒՆՔԻ ՀԻՄՔԵՐԸ Իսլամական դրույթներ ԽԱՂԱՂՈՒԹՅԱ՞Ն, ԹԵ՞ ՊԱՏԵՐԱԶՄԻ ԽԱՉՄԵՐՈՒԿ Ունքյար-Իսքելեսի պայմանագիրը Երկու կայսրերի դիվանագիտական մենամարտը Տիլզիտում և Էրֆուրտում Փիլիպոս II Ռուսաց դիվանագիտությունը Յոթնամյա պատերազմի տարիներին «ԴԻՎԱՆԱԳԻՏՈՒԹՅՈՒՆ-ԱԼՖԱ. ՆԵՐԿԱՅԻ ՄԱՐՏԱՀՐԱՎԵՐՆԵՐԸ և ԱՊԱԳԱՅԻ ՊԱՏԿԵՐԸ» ԵՐԿՕՐՅԱ ՖՈՐՍԱՅԹ ՆԻՍՏ
LE MALAISE TURC MEMORANDUM OF UNDERSTANDING WAS SIGNED BETWEEN ARMENIAN “CHINA-EURASIA” COUNCIL AND THE SCO CHINESE COMMITTEE ON GOOD NEIGHBOURLINESS, FRIEN ARMENIAN SCHOLAR MHER SAHAKYAN WAS ELECTED AS A MEMBER OF THE ADVISORY BOARD OF THE INTERNATIONAL INSTITUTE FOR PEACE A DECLASSIFIED TOP SECRET CIA REPORT ON THE NAGORNO-KARABAKH CONFLICT JERUSALEM ARMENIAN PATRIARCHATE’S LAWSUIT ADVANCES THROUGH TURKISH COURTS WAR OF WORDS AT THE UN GENERAL ASSEMBLY BETWEEN ARMENIA, AZERBAIJAN AND TURKEY CAMPAIGN TO STOP KILLER ROBOTS «UNETHICAL» & «IMMORAL»: BOB WORK ACADEMIC SEMINAR EUROPE GOES SILK ROAD THROUGH ARMENIA TOOK PLACE IN YEREVAN REACHING A DURABLE PEACE IN THE NAGORNO-KARABAKH CONFLICT AMERICA HAS NO RIGHT TO TELL ARMENIA NOT TO SEND A HUMANITARIAN SQUAD TO SYRIA
ԻՐԱՆԻ ԱԳ ՆԱԽԱՐԱՐԻ ԱՅՑՆ ՈՒ ԱՌԱՋԱՐԿՆԵՐԸ՝ ՈՐՊԵՍ ՊԱՏԱՍԽԱՆ ԻՍՐԱՅԵԼԱԿԱՆ ԱԿՏԻՎՈՒԹՅԱՆ
ՆԱԻՐԻ ՀՈԽԻԿՅԱՆ
Լրագրող, տարածաշրջանային և միջէթնիկ հակամարտություններ, ԵՐԵՎԱՆ





Իրանի ԱԳ նախարար Մոհամմադ Ջավադ Զարիֆը Հայաստան կատարած պաշտոնական այցի շրջանակում հանդիպեց ոչ միայն երկրի բարձրագույն ղեկավարության՝ նախագահի, վարչապետի, ԱԳ նախարարի հետ, այլև ներկա եղավ հայ-իրանական գործարար համաժողովին, որին մասնակցում էր շուրջ 150 գործարար երկու երկրներից։

Հայաստանի զարգացման հիմնադրամի կազմակերպած համաժողովի ժամանակ  իրանցի ձեռներեցներին ներկայացվել են Հայաստանի գործարար հնարավորությունները, ազատ տնտեսական գոտիները, հարկային կարգավորումները, արտոնյալ առեւտրային ռեժիմները։

Համաժողովի մասնակիցներին ողջունելիս Մոհամմադ Ջավադ Զարիֆը նշել է, որ հայկական և իրանական կողմերը վճռական են՝ վերացնելու երկկողմ համագործակցության խոչընդոտները։

«Իրանը պատրաստ է համագործակցել Հայաստանի մասնավոր հատվածի հետ բոլոր ոլորտներում, օրինակ՝ գեներատորների արտադրության։ Կարևոր է էներգետիկ ոլորտը, և մենք կարող ենք օգտագործել ազատ առևտրի գոտիների չիրացված ներուժը»,-մասնավորապես նշել է Իրանի ԱԳ նախարարը։

Մոհամմադ Ջավադ Զարիֆը Երևանում նոյեմբերի 28-ին պաշտոնական հանդիպում ունեցավ նախագահ Սերժ Սարգսյանի հետ: Հանրապետության Նախագահը գոհունակությամբ է խոսել երկու երկրների միջև բարձր մակարդակի ակտիվ փոխայցելությունների մասին և ընդգծել, որ դրանք հնարավորություն են տալիս էլ ավելի մեծ հոգատարությամբ զարգացնել երկու ժողովուրդների դարավոր բարեկամության հիմքի վրա կառուցված միջպետական հարաբերությունները:

Սերժ Սարգսյանը նշել է, որ հայ-իրանական դիվանագիտական հարաբերությունների հաստատումից հետո անցած 25 տարիներին երկու երկրները կառուցել են բարեկամական և փոխըմբռնման ու հարգանքի վրա հիմնված հարաբերություններ: Նախագահը հույս է հայտնել, որ այդ հարաբերությունները նույն ոգով կշարունակվեն նաև ապագայում: Սերժ Սարգսյանն ընդգծել է, որ Հայաստանն իրանցի գործընկերների հետ մշտապես վարում է անկեղծ ու բաց երկխոսություն և շահագրգռված է բարեկամ Իրանի զարգացմամբ ու տարածաշրջանի կայունությամբ:

Իր հերթին արտգործնախարար Զարիֆը Սերժ Սարգսյանին է փոխանցել Իրանի նախագահ Հասան Ռոհանիի ջերմ ողջույնները և շնորհակալություն հայտնել ինչպես նախագահ Ռոհանիի երդմնակալությանը ներկա գտնվելու, այնպես էլ ավերիչ երկրաշարժի կապակցությամբ ցավակցական հեռագիր հղելու համար:

Իրանի արտգործնախարարը շեշտել է, որ իր երկրի համար հարևան պետությունների հետ հարաբերությունների զարգացումը արտաքին քաղաքական առաջնահերթություններից է, և Հայաստանը Իրանի համար մշտապես եղել է շատ լավ հարևան: Զարիֆի գնահատմամբ՝ հայ-իրանական տնտեսական հարաբերությունները հարիր չեն երկու բարեկամ երկրների ներկայիս քաղաքական հարաբերությունների բարձր մակարդակին:

Վարչապետ Կարեն Կարապետյանի հետ հանդիպման ժամանակ Մոհամմադ Ջավադ Զարիֆը փոխանցել է ԻԻՀ նախագահի առաջին տեղակալ Էսհաղ Ջահանգիրիի ողջույնները և նշել է. «Ձեր այցելությունն Իրան շատ կարևոր և հաջողված էր: Մենք Հայաստանն ընկալում ենք որպես լավ հարևան: Մեր հարաբերությունները շատ ավելի երկար ժամանակահատվածի պատմություն ունեն, քան 25 տարին, և այդ լավ հարաբերությունները արժեքավոր կապիտալ են երկու երկրների համար, որից պետք է կարողանանք օգտվել»:

ՀՀ վարչապետը և ԻԻՀ արտգործնախարարը քննարկել են դեկտեմբերին հայ-իրանական սահմանին՝ Մեղրիում, բացվելիք ազատ տնտեսական գոտու շրջանակում համագործակցությանը վերաբերող հարցեր:

ՀՀ ԱԳ նախարար Էդվարդ Նալբանդյանի հետ հանդիպմանը Իրանի արտաքին գործերի նախարարը նշել է, որ Իրանն առանձնահատուկ կարևորություն է տալիս բարեկամ Հայաստանի հետ համակողմանի փոխգործակցությանը և արձանագրել, որ 2016-ին մուտքի արտոնագրային ռեժիմի ազատականացումից ի վեր շեշտակիորեն ավելացել են զբոսաշրջության ծավալները։
Էդվարդ Նալբանդյանն ու Մոհամմադ Ջավադ Զարիֆն անդրադարձել են ԵԱՏՄ - Իրան համագործակցության հաստատմանը՝ ընդգծելով, որ այն կարող է առաջընթաց ապահովել հայ-իրանական տնտեսական հարաբերությունների զարգացման գործում:
Արտգործնախարարները կարևորել են նաև միջազգային հարթակներում երկու երկրների միջև հաստատված փոխգործակցությունը։
Հանդիպմանը մտքեր փոխանակվեցին Իրանի միջուկային ծրագրի շուրջ ձեռք բերված համաձայնությունների իրագործման վերաբերյալ, որին Հայաստանը սատարում է։

Այս համատեքստում կարևոր է հիշատակել ՀՀ ԱԳ նախարար Էդվարդ Նալբանդյանի՝ վերջերս Իսրայել կատարած պաշտոնական այցը, որը բացասական արձագանք ստացավ Իրանում: Այդ երկրի ԱԳՆ մամուլի խոսնակ Բահրամ Ղասեմին նոյեմբերի 11-ին հայտարարեց. «Մենք չենք խառնվում այլ երկրների ներքին գործերի մեջ, բայց քանի որ մենք գիտենք սինոնիստական ռեժիմը, մենք գիտենք, որ դա փորձում է խախտել մեր տարածաշրջանի կայունությունը: Հայերին խորհուրդ ենք տալիս ուշադիր լինել հատկապես ղարաբաղյան տարածաշրջանում և ընդհանրապես, ուշադիր լինել»:

Հայ-իսրայելական հարաբերությունների ակտիվացման ֆոնին իրանական կողմից անհանգիստ հայտարարությունները հաճախակի են դարձել: Իրանը մտավախություն ունի, որ հարաբերությունները խորացնելով Իսրայելի հետ, Հայաստանը կարող է Թել-Ավիվին հնարավորություն տալ մտնել մեր տարածաշրջան և մեծացնել Իրանի մեկուսացումը:

Այդ առումով Իրանի ԱԳ նախարարի գլխավորած մեծաքանակ պատվիրակության այցը Հայաստան և գործարար համաժողովին ակտիվ առաջարկներ անելը կարող է վկայել այն մասին, որ Իրանը փորձում է առավել խորացնել առևտրատնտեսական կապերը մեր երկրի հետ՝ այդկերպ հեռու պահելով Իսրայելի ֆինանսական հոսքից, ինչը, բնականաբար, կարող է միայն օգտակար լինել Հայաստանի տնտեսության համար, մանավանդ եթե այդ ոլորտում ևս հնարավոր լինի խաղալ և-և-ի սկզբունքով:
ՆԱԻՐԻ ՀՈԽԻԿՅԱՆ
2170 reads | 29.11.2017
|
ComForm">
Войдите:
avatar

Մուտքանուն:
Գաղտնաբառ:
Գաղտնաբառի հիշեցում| Գրանցում
Copyright © 2023 Diplomat.am tel.: +37491206460, +37499409028 e-mail: diplomat.am@hotmail.com