«ԺՈՂՈՎՐԴԻ ՁԱՅՆԸ ԱՍՏԾՈ ՁԱՅՆՆ Է». ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ «Ո՛Չ ՎԱՇԻՆԳՏՈՆԸ, Ո՛Չ ԷԼ ՄՈՍԿՎԱՆ ՉԵՆ ՍԱՆՁԱԶԵՐԾԻ ՊԱՏԵՐԱԶՄ» ՆԱԽԻՋԵՎԱՆԻ ԽՆԴՐԻ ՇՈՒՐՋ ՄԻՋԱԶԳԱՅԻՆ ԿՈՆՖԵՐԱՆՍ ՀՐԱՎԻՐԵԼՈՒ ԱՆՀՐԱԺԵՇՏՈՒԹՅԱՆ ՎԵՐԱԲԵՐՅԱԼ ՄՈՍԿՎԱՅԻ ԱԿՆԿԱԼՈՒԹՅՈՒՆՆ ՈՒ ԱՆԿԱՐԱՅԻ ՌԻՍԿԱՅԻՆ ԽԱՂԵՐԸ ԻՐԱՆՈՒՄ ԾԱՎԱԼՎԱԾ ՀԱԿԱԿԱՌԱՎԱՐԱԿԱՆ ՑՈՒՅՑԵՐԻ ՊԱՏՃԱՌՆԵՐՆ ՈՒ ԱՌԱՆՁՆԱՀԱՏԿՈՒԹՅՈՒՆՆԵՐԸ, ՄԻՋԱԶԳԱՅԻՆ ԱՐՁԱԳԱՆՔԸ (2017 Թ. ԴԵԿՏԵՄԲԵՐ – 2018 Թ. ՀՈՒՆՎԱՐ) «ՄԵՆՔ ԳՈՐԾ ՈՒՆԵՆՔ ՆԵՆԳ ՀԱԿԱՌԱԿՈՐԴԻ ՀԵՏ». ԴԵՍՊԱՆ ԴԻՎԱՆԱԳԵՏԸ՝ ԻՐԱՆԻ, ՌՈՒՍԱՍՏԱՆԻ և ԹՈՒՐՔԻԱՅԻ ՏԱՐԱԾԱՇՐՋԱՆԱՅԻՆ ԾՐԱԳՐԵՐԻ ՄԱՍԻՆ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՇՆՈՐՀԱՎՈՐԱՆՔԸ ՀՀ ՆՈՐԸՆՏԻՐ ՆԱԽԱԳԱՀ ԱՐՄԵՆ ՍԱՐԳՍՅԱՆԻՆ ՀԱՅԿԱԿԱՆ ԴԻՎԱՆԱԳԻՏՈՒԹՅԱՆ ՄԱՐՏԱՀՐԱՎԵՐՆԵՐՆ ՈՒ ԽՆԴԻՐՆԵՐԸ ԱՆԿԱՐԱՅԻ ԳԱԳԱԹՆԱԺՈՂՈՎԻ ԿԱՊԱԿՑՈՒԹՅԱՄԲ ԱՄԵՐԻԿՅԱՆ ՓՈՐՁԱԳԻՏԱԿԱՆ ԿԵՆՏՐՈՆԸ ԽՈՍԵԼ Է ՀԱՅԱՍՏԱՆԻ ՀԱԿԱՀՐԵԱԿԱՆ ՏՐԱՄԱԴՐՈՒԹՅՈՒՆՆԵՐԻ ՄԱՍԻՆ. Ո՞ՒՄ ԱԿԱՆՋՆԵՐՆ ԵՆ ԴՐԱ ՀԵՏԵՎՈՒՄ

ՀԱՅԱՍՏԱՆՆ ՈՒ ԱԴՐԲԵՋԱՆԸ ՊԱՏԵՐԱԶՄՈՒՄ ԵՆ ՅՈՒՆԵՍԿՕ-ՈՒՄ
ՆԱԻՐԻ ՀՈԽԻԿՅԱՆ
Լրագրող, տարածաշրջանային և միջէթնիկ հակամարտություններ, ԵՐԵՎԱՆ



Աղբյուրը՝ Hetq.am


Ադրբեջանցի երգիչ, պատերազմի հայտնի քարոզիչ Փոլադ Բյուլբյուլօղլին կարող է 2017-ի նոյեմբերից ղեկավարել համաշխարհային մշակութային արժեքների ու խաղաղության պահպանության համար գործող միջազգային կազմակերպությունը՝ ՅՈՒՆԵՍԿՕ-ն: Այս մասին տեղեկությունը հայտնի դարձավ մարտի կեսին, երբ հրապարակվեցին կառույցի ղեկավարի 9 թեկնածու երկրների անունները՝ Վիետնամ, Եգիպտոս, Քաթար, Չինաստան, Գվատեմալա, Իրաք, Լիբանան, Ֆրանսիա և Ադրբեջան: Դեռևս անհասկանալի պատճառներով հնչում է միայն ադրբեջանցի թեկնածուի անունը, մյուսների անունները հայտնի կդառնան ապրիլի 1-ից հետո:

Որոշ ուսումնասիրությունների արդյունքում հնարավոր եղավ ճշտել ևս մեկ թեկնածուի՝ Եգիպտոսի ներկայացուցիչ, իրավապաշտպան Մուշիրա Խատտաբի անունը: Նա փետրվարին այցելեց ՌԴ՝ այդ երկրից ստանալու աջակցության խոստում: Ռուսական աջակցության համար ջանք չեն խնայում նաև ադրբեջանցիները՝ ձեռք բերելով ՌԴ փոխվարչապետ Օլգա Գոլոդեցի և մշակույթի որոշ գործիչների հրապարակային բարեխոսությունը:

Մարտի 13-ին «TASS» գործակալությունը հայտնեց, որ ՅՈՒՆԵՍԿՕ-ի նախագահի ընտրությունը նախատեսված է 2017թ. հոկտեմբերի վերջին, երբ ավարտվելու է կառույցի գործող նախագահ Իրինա Բոկովայի պաշտոնավարման ժամկետը: Մինչ այդ, սակայն, ապրիլի 26-ին և 27-ին տեղի կունենա ՅՈՒՆԵՍԿՕ-ի 201-րդ Գործադիր խորհրդի նիստը, որի ժամանակ բոլոր թեկնածուները կներկայացնեն իրենց ծրագրերը: Թեև կառույցի նախագահի վերջնական ընտրությունը նախատեսված է աշնանը՝ 202-րդ Գործադիր խորհրդի նիստի ժամանակ՝ գաղտնի քվեարկությամբ, բայց դա, որպես կանոն, ձևական արարողություն է: Իրական ընտրությունը տեղի կունենա ապրիլին:

2009-ին նույն սկզբունքով ՅՈՒՆԵՍԿՕ-ի ղեկավար ընտրվեց Իրինա Բոկովան, որը ևս համարվում է Ադրբեջանի փողերով սնվող և կոռուպցիոն սկանդալների մեջ ներքաշված գործիչ: Նա ևս ակտիվորեն պաշտպանում է Փոլադ Բյուլբյուլօղլիի թեկնածությունը՝ կոպտորեն խախտելով ՅՈՒՆԵՍԿՕ-ի կանոնադրությունը անկողմնակալության վերաբերյալ:

Նախ այն մասին, թե ով է Իրինա Բոկովան և ինչ է արել ՅՈՒՆԵՍԿՕ-ի նախագահ աշխատելու 8 տարիների ընթացքում: 65-ամյա բուլղարուհի դիվանագետը 2005-ից ՅՈՒՆԵՍԿՕ-ում Բուլղարիայի պաշտոնական ներկայացուցիչն էր, իսկ 2009-ի հոկտեմբերի 15-ին ընտրվեց կառույցի նախագահ: Դեռևս այդ ժամանակից Իրինա Բոկովան սերտ կապեր է ունեցել Ադրբեջանի իշխանության հետ՝ Հեյդար Ալիևի անվան հիմնադրամից պարբերաբար ստանալով խոշոր գումարներ և Բաքվի հետ իրականացնելով մշակութային արժեքների յուրացման՝ ադրբեջանամետ ծրագրեր: Բոկովայի և Ադրբեջանի կոռուպցիոն կապերի մասին են վկայում վերջերս «Կոռուպցիայի և կազմակերպված հանցավորությունների ուսումնասիրության կենտրոնի» (OCCRP) բացահայտումները:

Հենց Իրինա Բոկովան կասեցրեց ԶԼՄ-ի և մամուլի ազատության եվրոպական կենտրոնի (The European Center of Press and Media Freedom) հայցը՝ Ադրբեջանի առաջին տիկին Մեհրիբան Ալիևային զրկելու ՅՈՒՆԵՍԿՕ-ի բարի կամքի դեսպանի կոչումից: Հայցի հիմքում Ադրբեջանում լրատվամիջոցների նկատմամբ բացահայտ բռնաճնշումները, ՅՈՒՆԵՍԿՕ-ի նպատակների և առաքելության հանդեպ արհամարանքն էր: Իրինա Բոկովան նույնիսկ չթաքցրեց, որ առանձնահատուկ դրական վերաբերմունք ունի Մեհրիբան Ալիևայի նկատմամբ՝ նրա հրավերով երկու անգամ՝ 2010-ի հուլիսին և 2015-ի մայիսին այցելելով Ադրբեջան: Կրթության, գիտության, մշակութային արժեքների պահպանության ու դրանց նկատմամբ հավասար վերաբերմունք քարոզող միջազգային կազմակերպության ղեկավարը, սակայն, պաշտոնավարման տարիների ընթացքում երբևէ Հայաստան չի այցելել, չնայած հրավերներ եղել են նաև հայկական կողմից:

Իրինա Բոկովան, չնայած միջազգային բազմաթիվ կառույցների և լրագրողական, իրավապաշտպան կազմակերպությունների բողոքներին ու մատնացույց արված կոնկրետ դեպքերին, մի քանի անգամ պաշտոնապես հայտարարել է, թե Ադրբեջանը աշխարհի հնագույն քաղաքակրթությունների կրող է, աջակցել է ոչ նյութական մշակութային ժառանգության բազմաթիվ նմուշներ որպես ադրբեջանական արժեք գրանցելու գործին, իսկ Մեհրիբան Ալիևային բնութագրել որպես բարեգործության օրինակ, երեխաների նկատմամբ մեծ սեր ունեցող գործիչ:

Մեհրիբան Ալիևայի և Իրինա Բոկովայի կուլիսային կապերի մասին հրապարակումներով ոչ մեկ անգամ են հանդես եկել հետաքննություն իրականացնող լրագրողները, իսկ բուլղարական Bivol ինտերնետային կայքը 2015-ին որոշ բացահայտումներ արեց՝ մերկացնելով ՅՈՒՆԵՍԿՕ-ի նախագահի կոռուպցիոն կոնկրետ գործարքներ: Մասնավորապես, պաշտոնավարման տարիներին Բոկովան հասցրել է Նյու-Յորքում ձեռք բերել 2.4 մլն դոլար արժողությամբ երկու բնակարան, 1.189.438 և 1 մլն 25 հազար դոլարով երկու բնակարան էլ Մանհեթենում: Այս գնումները տիկին Բոկովան կատարել է այն դեպքում, երբ ՅՈՒՆԵՍԿՕ-ի նախագահ աշխատելու մոտ 8 տարվա ընթացքում նրա օրինական եկամուտը կազմել է ընդամենը 780 հազար դոլար:

Այս բացահայտումներն էին հիմնական պատճառը, որ 2016-ին ՄԱԿ-ի գլխավոր քարտուղարի պաշտոնի համար իր թեկնածությունը ներկայացրած Իրինա Բոկովան աջակցություն չստացավ:

Թեև բուլղարացի լրագրողները Բոկովայի կոռուպցիոն սկանդալների մեջ փնտրում են առաջին հերթին բրազիլական հետքեր, սակայն չեն թաքցնում, որ Բրազիլիան մեկ դրվագում է երևում, մինչդեռ Ադրբեջանի առաջին տիկինը և Հեյդար Ալիևի անվան հիմնադրամը ՅՈՒՆԵՍԿՕ-ի դեռևս գործող նախագահի վաղեմի բարեկամներն են:

1998-2006 թթ. Ադրբեջանի տարբեր հատվածներում, հատկապես Նախիջևանում հետևողականորեն իրականացված հայկական խաչքարերի ոչնչացման մասին ՅՈՒՆԵՍԿՕ-ում ավելի ուշ կազմակերպվել են քննարկումներ, սակայն նույն Իրինա Բոկովայի ակտիվ միջամտությամբ դրանք ընթացք չեն ստացել, չեն հասել նույնիսկ հետաքննություն սկսելու որոշման:

Ի դեպ, Նախիջևանի հայկական խաչքարերի ոչնչացումն իրականացվել է այն տարիներին, երբ Ադրբեջանի մշակույթի նախարարը Փոլադ Բյուլբյուլօղլին էր: Այդ մարդու մասին է այսօր Իրինա Բոկովան խոսում՝ որպես մշակույթի մեծ պաշտպանի և համաշխարհային մշակութային ժառանգության բարեկամի: 1988-2005թթ, երբ Փոլադ Բյուլբյուլօղլին Ադրբեջանի մշակույթի նախարարն էր, այդ երկրում ավերվել են բազմաթիվ ոչ թյուրքական մշակութային ու պատմական հուշարձաններ, հայկական եկեղեցիներ ու խաչքարեր: Ջուղայի հայկական գերեզմանատան ավերումը, շնորհիվ իրանական կողմի նկարահանումների, մեծ աղմուկ բարձրացրեց, սակայն ՅՈՒՆԵՍԿՕ-ի կողմից ժամանակին արձագանք չստանալու պատճառով, ավարտին հասցվեց: 16-րդ դարի հայկական խաչքարերի տեղում այսօր զորավարժարան է, իսկ խաչքարերի մնացորդները լցվել են Արաքս գետը: Նույնիսկ ադրբեջանական աղբյուրները չեն ժխտում, որ այդ վանդալիզմը կատարվել է Փոլադ Բյուլբյուլօղլիի անմիջական հրահանգով և հսկողությամբ:

Նույն ադրբեջանցի վանդալն այսօր ստանում է հնարավորություն՝ գլխավորելու մշակութային ժառանգության պահպանման միջազգային կազմակերպություն: Փոլադ Բյուլբյուլօղլին (իսկական անունը՝ Փոլադ Մամեդով), դեռևս խորհրդային տարիներից հայտնի է որպես ադրբեջանական կլկլոցներով քաղաքային ֆոլկլորի երգիչ: ԽՍՀՄ փլուզման տարիներին Բյուլբյուլօղլին նաև պաշտոն ստացավ մշակույթի նախարարությունում, հետո դարձավ նաև խորհրդարանի պատգամավոր, իսկ 2006-ին նշանակվեց ՌԴ-ում Ադրբեջանի դեսպան:

Իլհամ Ալիևը երբևէ չի թաքցրել, որ Բյուլբյուլօղլիին Ռուսաստանում դեսպան նշանակելով, ինքը նպատակ է ունեցել նրա միջոցով ազդել ռուս հանրության միջակ խավի վրա, այն մարդկանց, որոնց համար Բյուլբյուլօղլիի երգերը արվեստի բարձր արտահայտություն են: Դեսպան աշխատելու տարիներին Բյուլբյուլօղլին, սակայն, ավելի շատ հանդես է գալիս ռեստորաններում երգեր կատարելով, քան դիվանագիտական հանդիպումներ ու բանակցություններ անցկացնելով: “Ադրբեջանցի սոխակ” մականունն ստացած այս գործչի մասին ռուսներն ասում են, որ ԱԳՆ-ում կամ պետական այլ հաստատություններում նա երբևէ դիվանագետի դերում չի ներկայանում՝ նախընտրելով երգել և զվարճացնել մարդկանց:

Ադրբեջանական լրատվամիջոցներն, ի դեպ, հաճախ են գրում, թե իրենց Բյուլբյուլօղլին ոչնչով չի զիջում հայերի հպարտություն Շառլ Ազնավուրին: Իհարկե, անլուրջ կլինի համեմատել Ազնավուրին Բյուլբյուլօղլիի հետ, բայց ֆինանսական ու քարոզչական մեծ ռեսուրսներ ծախսելով Բյուլբյուլօղլիների վրա՝ Ադրբեջանը հենց այդ նպատակն ունի՝ աշխարհում ստեղծել մշակութապաշտ և հնագույն ժողովրդի առասպել: Նաև այդ են վկայելու գալիս ՅՈՒՆԵՍԿՕ-ի նախագահների նկատմամբ Ադրբեջանի իշխանության հատուկ հոգատարությունը՝ կաշառելով ստիպել, որպեսզի հայկական, ասորական, թալիշական կամ այլ ժողովուրդների մշակութային արժեքները վերագրվեն Ադրբեջանին: Սրանք փոքր հաղթանակներ են, որոնք տարիների ընթացքում ստեղծում են պետության ու ժողովրդի բավական հարուստ այցեքարտ:

1945թ. նոյեմբերի 16-ին ընդունված ՅՈՒՆԵՍԿՕ-ի կանոնադրության 15-րդ գլխում շեշտված է. «Պատերազմի մասին մտքերը ծնվում են մարդկանց գաղափարներում: ՅՈՒՆԵՍԿՕ-ի առաքելությունն է մարդկանց գիտակցության մեջ արմատավորել խաղաղության պահպանման գաղափարը»:

ՅՈՒՆԵՍԿՕ-ի ղեկավար կարող է դառնալ միայն այն գործիչը, որի կենսագրությունը հարուստ է մշակութային արժեքների նկատմամբ հոգատարության և խաղաղության քարոզչության փաստերով: Իսկ ի՞նչ կենսագրություն ունի ադրբեջանցի թեկնածու Փոլադ Բյուլբյուլօղլին. հայկական հուշարձանների ոչնչացում, պատերազմի քարոզչություն, հայատյաց հայտարարություններ մշակույթի նախարար և ՌԴ-ում դեսպան աշխատելու տարիներին:

2010թ. օգոստոսի 28-ին ադրբեջանական ANS հեռուստաընկերության եթերում Փոլադ Բյուլբյուլօղլին հայտարարել է. «Եթե մեկն ու մեկը մտածում է, որ ինքը կնստի տանը, իսկ բանակը կազատագրի բռնագրավված հողերը, այդպես չի լինի: Ողջ երկիրը, ողջ հասարակությունը, ողջ ժողովուրդը պետք է ոտքի կանգնի ու բռունցք դառնա, նեցուկ կանգնի իր նախագահին և ազատագրի երկիրը: Այլ ճանապարհ գոյություն չունի: Մենք կգրավենք ոչ միայն Լեռնային Ղարաբաղը, այլև Հայաստանի Հանրապետությունը: Այդպիսի ռազմական գործողության համար Բաքուն ուժեր ունի»։

Արտակարգ և լիազոր դեսպան Արման Նավասարդյանը ադրբեջանցի դեսպանի պահվածքը անվանում է ոչ դիվանագիտական, քանի որ համաշխարհային պատմության մեջ չկան դեպքեր, երբ դեսպանը մարտակոչ հնչեցնի: Հակառակը՝ «դեսպաններն աշխարհի ամենախաղաղասեր մարդիկ են: Նրանք քարոզում են բարեկամություն, հաշտություն և համերաշխություն: Չեք գտնի, եթե անգամ մոմով փնտրեք, մի դեսպանի, որը հակառակն անի կամ քարոզի»:

Փոլադ Բյուլբյուլօղլին, սակայն, բացառություն է:

2016-ի ապրիլյան քառօրյա պատերազմի օրերին ևս այդ մարդը հանդես եկավ հայտարարություններով՝ խոստովանելով, որ ռազմական գործողությունն սկսել է Ադրբեջանը: Ապրիլի 2-ին ռուսական «Дождь» հեռուստաընկերությանը տված հարցազրույցում հայտարարեց. «Ադրբեջանի նախագահ Իլհամ Ալիևն իր ելույթներում բազմիցս շեշտել է, որ Ադրբեջանը կողմնակից է ղարաբաղյան հակամարտության խաղաղ լուծման, բայց եթե այդ հակամարտությունը չի լուծվելու, ապա մենք ուժ կկիրառենք՝ այդ հողերի ազատագրման համար»:



Մեկ ամիս անց՝ մայիսի 4-ին նույն Բյուլբյուլօղլին «Говорит Москва» ռադիոկայանի երեկոյան եթերում հայտարարել է. «Եթե այս հարցը չհանգուցալուծվի, մենք պատրաստ ենք խնդրի ռազմական լուծմանը: Իհարկե, ցանկալի չէր լինի, որ մարդիկ զոհվեն, դագաղներ ուղարկվեն ռազմաճակատից, բայց մեզ այլ ելք չեն թողնում»:

Սրանք հայտարարություններ են, որոնք 2016-ի գարնանը դիվանագիտական մակարդակում ևս խորացրին լարվածությունը հայ-ադրբեջանական հակամարտության մեջ: Եթե այդպիսի ռազմատենչ և հայատյաց գործիչը հնարավորություն ստանա ղեկավարել ՅՈՒՆԵՍԿՕ-ն, ապա կասկածից վեր է, որ կառավարման գոնե 4 տարիների ընթացքում անթաքույց կերպով միջազգային այդ կազմակերպությունը հակահայկական բանաձևեր և որոշումներ կընդունի, հայկական մշակութային արժեքները կարող են վերագրվել այլ ազգերի, ադրբեջանական անվան տակ ներկայացվել նյութական և ոչ նյութական մշակութային ժառանգության բազմաթիվ արժեքներ:

Կարող են լինել հակառակ տեսակետի պաշտպաններ, թե այդպիսի կազմակերպությունները չեն ղեկավարվում մեկ անձի կողմից: Բնական է, բայց երբ հետևում ենք ԵԽԽՎ-ի օրինակին, ակնհայտ է դառնում, թե ինչպես են ադրբեջանական խավիարն ու նավթադոլարները անում իրենց սև գործը, երբ կառույցը ղեկավարում է ադրբեջանամետ գործիչ և աչք է փակում ադրբեջանական հանցանքների նկատմամբ:

Ի՞նչ պետք է անի հայկական կողմը՝ կանխելու Ադրբեջանի ներկայացուցչի հաղթանակը ՅՈՒՆԵՍԿՕ-ի նախագահի պաշտոնի համար:

Այն, որ Փոլադ Բյուլբյուլօղլիի աշխատանքային կենսագրությունը հարուստ է վանդալիզմով ու այլատյացության դրսևորումներով, նրա աքիլեսյան գարշապարն է: Հայկական հանրային և պետական դիվանագիտությունը կարող է օգտագործել այս փաստերը և միջազգային լրատվամիջոցներում լայնորեն ներկայացնել Բյուլբյուլօղլիի գործունեությունն ու հայտարարությունները: Հայաստանի մասին քարոզչական թանկարժեք ֆիլմեր պատվիրելու հնարավորություն ունեցող երկիրը կարող է ավելի քիչ փող պահանջող հրապարակումներ պատվիրել եվրոպական, ռուսական ու ամերիկյան պարբերականներում, հեռուստաընկերություններին մատակարարել տեսանյութեր Բյուլբյուլօղլիի կառավարման ժամանակ Ջուղայի խաչքարերի ոչնչացման, նաև ապրիլյան պատերազմի օրերին նույն Բյուլբյուլօղլիի ռազմատենչ հայտարարությունների մասին:

Կարևոր դեր կարող է խաղալ հայկական սփյուռքը՝ դասական կուսակցությունների առաջնորդությամբ մի շարք երկրներում մինչև ապրիլի 25-ը կազմակերպելով ցույցեր և խորհրդաժողովներ՝ միասնական հայտարարություններ հասցեագրելով կառավարություններին ու քաղաքական ուժերին:

Առանցքային դեր կարող է խաղալ նաև Գերմանիայի թուրքական համայնքը, որտեղ կան բավական շատ հայամետ գործիչներ: Թուրքերի հայտարարություններն ընդդեմ ադրբեջանցի վանդալ գործչի, կարող են էական ազդեցություն ունենալ ընդհանրապես նրա թեկնածությունը ներկայացնելու և հետագա քննարկումների վրա:

ՀՀ արտաքին գործերի նախարար Էդվարդ Նալբանդյանը հասցրել է բարեկամական կապեր ստեղծել ՄԱԿ-ի գլխավոր քարտուղար Անտոնիո Գուտերիշի հետ: Այս հարթակում պաշտոնական Երևանը կարող է իր դժգոհությունն արտահայտող բաց նամակ հղել Գուտերիշին՝ ներկայացնելով այն խնդիրները, որոնք կառաջանան՝ Բյուլբյուլօղլիի՝ ՅՈՒՆԵՍԿՕ-ի նախագահ դառնալու պարագայում:

ՅՈՒՆԵՍԿՕ-ում քիչ չեն նաև ազգությամբ հայ ազդեցիկ գործիչներ, որոնք կարող են միասնական կարծիք հայտնել և իրենց սկզբունքային դիրքորոշմամբ վիժեցնել ադրբեջանական ծրագրերը:
ՆԱԻՐԻ ՀՈԽԻԿՅԱՆ
1047 reads | 03.04.2017
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com