ՍՓՅՈՒՌՔԻ ՆԱԽԱՐԱՐՆ ԱՌԱՋԱՐԿՈՒՄ Է ՍՓՅՈՒՌՔԻ ՀԱՄԱՐ ԽՈՐՀՐԴԱՐԱՆ ՁևԱՎՈՐԵԼ ՀԱՅԱՍՏԱՆՈՒՄ ԲԱՑ ՆԱՄԱԿ ԱՐԱ ՊԱՊՅԱՆԻՆ ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ ՄԻԶԵԼ ՔԱՄՈՒ ԴԵՄ. ԴԻՎԱՆԱԳԵՏԸ ՆԵՐՀԱՅԱՍՏԱՆՅԱՆ ԻՐԱԴԱՐՁՈՒԹՅՈՒՆՆԵՐԻ ՄԱՍԻՆ

ՌՈՒՍ-ԱՄԵՐԻԿՅԱՆ ՀԱՄԱՁԱՅՆՈՒԹՅՈՒՆԸ ԳՐԳՌՈՒՄ Է ԹՈՒՐՔԻԱՅԻՆ
Մերձավոր Արևելքի հակամարտությունները խաղաղ ճանապարհով լուծելու համար Ռուսաստանն ու Միացյալ Նահանգները փետրվարի 22-ի ուշ երեկոյան պայմանավորվեցին հրադադար հաստատել Սիրիայում: Երկու գերտերությունները խոստացան պարտադրել իրենց դաշնակիցներին՝ հավատարիմ մնալ պայմանավորվածությանը և չկրակել միմյանց վրա, մինչդեռ հրադադարը չի տարածվելու «Իսլամական պետություն» և «Ջաբհատ ան Նուսրա» ահաբեկչական խմբավորումների վրա:

Սիրիայում հրադադար հաստատել փետրվարի 27-ի կեսգիշերից: Սիրիական կառավարական զորքը, նրանց դաշնակիցներն ու չափավոր ընդդիմությունը չեն կրակի իրար վրա և կնստեն բանակցության սեղանի շուրջ, բայց ահաբեկչական խմբավորումները չեն մասնակցել ոչ բանակցություններին, ոչ էլ կան հրադադար հաստատելու պլաններում: Միջազգային կոալիցիոն ուժերը այսուհետ անողոք են լինելու «Իսլամական պետություն» և «Ջաբհատ ան Նուսրա» խմբավորումների նկատմամբ, նույնկերպ ոչնչացման միասնական գործողություններ կսկսվեն այն ուժերի դեմ, որոնք կխախտեն պայմանավորվածությունը և կկրակեն:

Արտակարգ և լիազոր դեսպան Արման Նավասարդյանը հիշեցնում է, որ մինչև վերջերս Սիրիայում գործում էին 2500 մեծ ու փոքր զինված ջոկատներ, որոնք հիմա միավորվել են՝ վերածվելով ավելի մեծ և ուժեղ խմբավորումների: Սիրիան մի երկիր է, որտեղ բոլորը կռվում են բոլորի դեմ, և գերտերությունների համար շատ դժվար է լինելու ձգել հակամարտող կողմերի սանձերը, մանավանդ որ 80 երկիր փողով, զենքով ու մարդկային ուժով օգնում է ահաբեկիչներին: Թուրքիան դրանց առաջատարներից է, և Միացյալ Նահանգներից շատ քրտինք  պահանջվեց՝ զսպելու թուրքական ամբիցիաները: Չնայած այդ երկիրը խոստացավ հրաժարվել Սիրիա ցամաքային զորք մտցնելու մտքից, բայց չի դադարեցնում կրակել սահմանակից քրդական ջոկատների վրա:

Հիմնական վտանգը, Արման Նավասարդյանի կարծիքով, կսպառնա Ռուսաստանին: Թուրքիան չի հանգստանա և չի համակերպվի նորօսմանական պլանի ձախողման հետ, ուստի սիրիական տարածքներ մտնելու և քրդերին ոչնչացնելու ծրագրերը կիրագործի ահաբեկիչների միջոցով:

Տարածաշրջանային սպառնալիքներից բացի, կան սկզբունքներ, որոնց կյանքի կոչելը Ռուսաստանի և ԱՄՆ-ի ղեկավարները համարում են անձնական պատվի խնդիր: Երկու երկրներում առաջիկայում համապետական ընտրություն է լինելու, և Վլադիմիր Պուտինն ու Բարակ Օբաման խնդիր ունեն մեծացնել իրենց ներքին և արտաքին քաղաքական վարկանիշը:

Խաղաղարար, ուժեղ կամ լավ տղա երևալու գերտերությունների մրցավազքում մայրուղի դուրս գալու փորձ է անում Ադրբեջանի իշխանությունը: Այդ երկրի արտգործնախարար Էլմար Մամեդյարովը պաշտոնապես հայտարարեց, թե տարածաշրջանում մեծ խաղացողներից յուրաքանչյուրը Բաքվի համար ունի ուրույն նշանակություն, ռուսները ռազմավարական գործընկեր են, իսկ թուրքերը՝ ռազմավարական դաշնակից: Ադրբեջանը ձգտում է լուսանցքից դուրս գալ և սիրո խոստումներ տալ ամերիկացիներին, ռուսներին ու թուրքերին միաժամանակ: Արման Նավասարդյանը սա անվանում է «Վազելինային դիվանագիտություն», ինչը, սակայն, տարածաշրջանային հակամարտությունների տեղապտույտում ոչ միայն ադրբեջանցիներին թույլ չի տա որևէ տեղ մտնել, այլև կներքաշի քարտեզների վերագծման գործընթացի մեջ:
ՆԱԻՐԻ ՀՈԽԻԿՅԱՆ
1428 reads | 25.02.2016
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com