ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ ՄԻԶԵԼ ՔԱՄՈՒ ԴԵՄ. ԴԻՎԱՆԱԳԵՏԸ ՆԵՐՀԱՅԱՍՏԱՆՅԱՆ ԻՐԱԴԱՐՁՈՒԹՅՈՒՆՆԵՐԻ ՄԱՍԻՆ ԱՐՏԱԿԱՐԳ և ԼԻԱԶՈՐ ԴԵՍՊԱՆ ԱՐՄԱՆ ՆԱՎԱՍԱՐԴՅԱՆԻ ԿՈՉԸ ՆԵՐՔԱՂԱՔԱԿԱՆ ԻՐԱԴԱՐՁՈՒԹՅՈՒՆՆԵՐԻ ՖՈՆԻՆ ՄՀԵՐ ՍԱՀԱԿՅԱՆԸ ՀՐԱՎԻՐՎԵԼ ԷՐ ԲԱՆԱԽՈՍԵԼՈՒ ՄՈՍԿՎԱՅԻ Մ. Վ. ԼՈՄՈՆՈՍՈՎԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆԻ «ԼՈՄՈՆՈՍՈՎՅԱՆ ԸՆԹԵՐՑՈՒՄՆԵՐ-2018» ԳԻՏԱԺՈՂՈՎՈՒՄ

ԹՈՒՐՔԻԱՅԻ ԶՈՒ ԶԻՆՎԱԾՈՒԹՅԱՆ ԱՍՏԻՃԱՆԸ ԵՎ ՕՊԵՐԱՏԻՎ ՀՆԱՐԱՎՈՐՈՒԹՅՈՒՆՆԵՐԸ ԱՆԴՐԿՈՎԿԱՍՅԱՆ ՈՒՂՂՈՒԹՅԱՄԲ

ՄՈՒՇԵՂ ԽՈՒԴԱՎԵՐԴՅԱՆ
Թուրքագետ, ԵՐԵՎԱՆ



 


Թուրքիայի զինված ուժերը բաղկացած են ցամաքային զորքերից, Ռազմա-ծովային նավատորմից, ռազմա-օդային ուժերից, ժանդարմերիայից և ափային պաշտպանությունից և կազմակերպչական առումով մտնում են երկու նախարարությունների կազմի մեջ` Պաշտպանության նախարարության և Ներքին գործերի նախարարության:
 
Թուրքիայի զինված ուժերը իրենց կազմում ունեն 510.700 մարդ, որից 148.700 –ը քաղաքացիական անձինք են: Պատերազմական ժամանակ կարող է մոբիլիզացվել զինվորական ուսուցում ստացած ևս 900.000 մարդ , որից 380.000 –ը առաջնահերթ ռեզերվն է:

Բանակը հավաքագրվում է զորակոչի սկզբունքով: Զորակոչային տարիքը 20 տարեկանն է: Պարտադիր զինվորական ծառայության տևողությունը 15 ամիս է: Զորացրվելուց հետո քաղաքացին համարվում է զինապարտ, հաշվառվում է պահեստայինների ցանկում մինչև 45 տարեկան հասակը: Պատերազմի պայմաններում բանակ կարող են զորակոչվել 16 – 60 տարեկան տղամարդիկ և 20 -46 տարեկան կանայք, որոնք ի վիճակի են զենք բռնել:

Զինված ուժերի բարձրագույն օպերատիվ ղեկավար մարմինը Գլխավոր շտաբն է, որը ղեկավարում է զինված ուժերի գլխավոր հրամանատարը: Նա նշանակվում է երկրի նախագահի կողմից Նախարարների խորհրդի առաջարկությամբ: Գլխավոր Շտաբի պետին ուղղակիորեն ենթարկվում են բոլոր տեսակի զինված ուժերի գլխավոր հրամանատարները: Ըստ թուրքական աստիճանակարգի՝ Գլխավոր Շտաբի պետը երկրի չորրորդ պաշտոնյան է պրեզիդենտից, պառլամենտի նախագահից և վարչապետից հետո: Գլխավոր Շտաբի պետը ներկայումս Ուլուսի Հաքքարն է:

:

Ցամաքային զորքերի կառուցվածքը.

Ցամաքային զորքերում ծառայում է 391.000 մարդ: Կազմակերպչական առումով միավորումների և գնդերի մեծ մասը կենտրոնացած է 5 օպերատիվ խմբավորումների, այն է 4 հատ դաշտային բանակներ և մի օպերատիվ խմբավորում էլ Կիպրոսի թուրքական մասում:

1-ին դաշտային բանակ: Շտաբը Ստամբուլում է, զորքերը տեղաբաշխված են Հունաստանի և Բուլղարիայի սահմանների մոտակայքում:

2-րդ դաշտային բանակ: Շտաբը Մալաթիայում է,  զորքերը տեղաբաշխված են Սիրիայի, Իրաքի և Իրանի սահմանների մոտ:

 3-րդ դաշտային բանակ: Շտաբը Էրզինջանում է,  զորքերը տեղաբաշխված են Հայաստանի և Վրաստանի սահմանների մոտ: Այս բանակը իր կազմում ունի հետևյալ միավորումները՝

9-րդ Բանակային կորպուս: Շտաբը Էրզրումում է: Ներառում է 4-րդ տանկային բրիգադը, 1-ին, 2-րդ, 9-րդ, 12-րդ, 14-րդ և 25-րդ մեխանիզացված բրիգադները, 34-րդ, 48-րդ, 49-րդ և 51-րդ հետևակային բրիգադները:

4-րդ Բանակային կորպուս: Շտաբը Անկարայում է: Ներառում է 1-ին հետևակային բրիգադը, 28-րդ մեխանիզացված բրիգադը և 58-րդ հրետանային բրիգադը:

4-րդ /կամ Էգեյան/ դաշտային բանակ: Շտաբը Իզմիրում է, զորքերը տեղաբաշխված են Թուրքիայի արևմտյան ափով: Ներառում է 11-րդ մեխանիզացված բրիգադը, 57-րդ հրետանային բրիգադը և մեկ հատ հատուկ նշանակության գունդ:

Կիպրոսի օպերատիվ խմբավորում: Շտաբը Գիրնայում է, ներառում է 28-րդ , 39-րդ մոտոհրաձգային դիվիզիաները, 14-րդ տանկային բրիգադը և մեկ հատ հատուկ նշանակության խմբավորում:

Բանակների հրամանատարների օպերատիվ հրամանատարության տակ են 6 առանձին հրետանային գնդեր և բանակային ավիացիայի 4 գնդեր:


Ցամաքային զորքերի գլխավոր հրամանատարին անմիջականորեն ենթարկվում են 2 հետևակային գնդեր / 23-րդն ու 47-րդը/, հատուկ օպերացիաների ուժերը՝ կազմված 5 հատ, այսպես կոչված, Կոմանդոսական բրիգադներից և առանձին բանակային հատուկ նշանակության գնդերից /այս տեսակ գնդեր կան 2-րդ և 4-րդ դաշտային բանակներում/:

Բանակային ավիացիայի հրամանատարության միջոցով Ցամաքային զորքերի գլխավոր հրամանատարին են ենթարկվում նաև բանակային ավիացիայի 4 գնդեր:  Վերջերս այս ցանկին ավելացել է նաև «Հումանիտար օգնության» բրիգադը:

Թուրքական բանակում հիմնական տակտիկական միավորը բրիգադն է, որն իր կազմում սովորաբար ունի մոտ 5000 մարդ:

Ցամաքային զորքերի սպայական կազմի պատրաստման հիմնական օղակը բարձրագույն ուսումնարանն է, որտեղ ապագա սպաները սովորում են 4 տարի, ստանում են լեյտենանտի կոչում: Հետո որպես կանոն շրջանավարտները ուղարկվում են մեկ կամ երկու տարով սովորելու առանձին զորատեսակների և ծառայությունների համար նախատեսնված ուսումնարաններում:

Ցամաքային զորքերի զինվորական ակադեմիա ընդունվում են միայն զինվորական ուսումնարան ավարտած սպաները ավագ լեյտենանտից  մինչև մայոր կոչումով, որոնք զորքերում ծառայել են ոչ պակաս 3 տարի: Կրթությունը ակադեմիայում տևում է 2 տարի:

Զինվորական ակադեմիայի ունկնդիրներ կարող են լինել միայն առանձին զորատեսակների ակադեմիաներ ավարտած սպաները, որոնց պատրաստում են Պաշտպանության նախարարության ապարատում, Գլխավոր շտաբում, ՆԱՏՕ-ի միացյալ շտաբներում և դիվիզիաների կամ բանակների շտաբերում ծառայելու համար: Կրթությունը տևում է 5 ամիս:


Գործում են նաև սպաների վերապատրաստման կուրսեր ըստ զորատեսակների: Որոշ սպաներ կրթություն են ստանում նաև արտասահմանում` գլխավորապես ԱՄՆ –ում և Գերմանիայում:


Թուրքական բանակի հիմնական ուժեղ կողմերը հետևյալներն են.
1. Զինված ուժերի բարձր հեղինակությունը թուրքական հասարակության լայն շերտերում
2. Սպաների բացառիկ կարգավիճակը թե զինվորական և թե քաղաքացիական միջավայրում
3. Վերևից ներքև ուղղաձիգ զինվորական կառավարման կայուն կիրառումը, ինչպես նաև ըստ զորատեսակների կորպորատիվ և կլանային համերաշխությունը
4. Զինվորական կոշտ կարգապահության առկայությունն ստորաբաժանումներում
5. Բանակի հագեցվածությունը ժամանակակից ռազմական տեխնիկայով ու ծանր զինատեսակներով
6. Կառավարման ժամանակակից միջոցների առկայությունը թե օպերատիվ և թե տակտիկական օղակներում
7. Ներգրավվածությունը ՆԱՏՕ-ի կապի, մարտական կառավարման և հակաօդային պաշտպանության համակարգերում
8. Զորքերի մարտական և օպերատիվ նախապատրաստման բարելավման կանոնավոր բնույթը
9. Զինամթերքի, կառավարման և կապի միջոցների, մի շարք տեսակի սպառազինության և ռազմական տեխնիկայի արտադրության, վերանորոգման և արդիականացման համար սեփական բազայի առկայությունը:


Թուրքական ցամաքային բանակի օպերատիվ հնարավորությունները անդրկովկասյան ուղղությամբ.

Հայաստանի սահմանների մոտակայքում տեղակայված են 3-րդ դաշտային բանակի 9-րդ բանակայի կորպուսի զորամիավորումները, որոնք ներառում են մեկ տանկային, վեց մախանիզացված և չորս հետևակային բրիգադներ: Այս ուժերով թուրքական բանակը ի վիճակի է համեմատաբար կարճ ժամկետում (5 –ից 7 օր) Գյումրի - Երևան օպերատիվ ուղղությամբ ստեղծել հարձակողական խմբավորում հետևյալ թվակազմով ` 40-50 հազար մարդ, 350-370 հատ տանկեր և 700 միավոր հրանոթներ, ականանետներ ու համազարկային կրակի հրթիռային համակարգեր, որոնց կաջակցեն ռազմաճակատային ավիացիայի մի քանի էսկադրիլիաներ:

15-20 օրվա ընթացքում հնարավոր է այդ խմբավորման մեծացումը մինչև 80-100 հազար մարդ, 600-700 տանկեր և 1200 -1300 հրանոթներ ու ականանետներ:

Հայաստանում տեղաբաշխված են Ռուսական երկու առանձին մոտոհրաձգային բրիգադներ:

ՄՈՒՇԵՂ ԽՈՒԴԱՎԵՐԴՅԱՆ
1909 reads | 13.11.2017
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com