«ԺՈՂՈՎՐԴԻ ՁԱՅՆԸ ԱՍՏԾՈ ՁԱՅՆՆ Է». ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ
Սիրելի հայրենակիցներ,

Այն, ինչը երազում էր յուրաքանչյուր նորմալ բանականության տեր և Հայրենիքը սիրող հայ մարդը անկախության հռչակումից հետո, կատարվեց։

Ժողովուրդը ոտքի կանգնեց և միաձայն հայտարարեց, որ չի ուզում այլևս ապրել այն ռեժիմի տակ, որը հաստատել է երկրում կրիմինալ-օլիգարխիկ հանցավոր խումբը, ինչն իր հերթին նպաստել է հասարակության ահավոր բևեռացմանը, տնտեսության ստագնացիային, երկիրն արյունաքամ անող արտագաղթին։

Սերժ Սարգսյանը, բարեբախտաբար, հասկացավ ստեղծված իրավիճակը և հեռացավ քաղաքական ասպարեզից։

Մինչդեռ, Կարեն Կարապետյանը փորձում է իր պայմանները թելադրել հաղթանակած ժողովրդին և ցուցաբերում  է անխոհեմություն ու քաղաքական կարճատեսություն այն պատճառաբանությամբ, թե ինքը չգիտի մի երկիր, որտեղ ժողովուրդը հրապարակում է որոշում  իր կառավարության կազմը։

Ոչ մեկի մեղքը չէ, հարգելի Կարապետյան, որ դուք  չգիտեք  կամ մոռացել եք մեծերի այն իմաստությունը, թե «Ժողովրդի ձայնը Աստծո ձայնն է», «Vox populi, vox Dei»։

Այս և այլ մի շարք պատճառներով երկիրը կանգնած է կարևորագույն հանգրվանի առաջ։

Շատ լավ պատկերացնելով և հասկանալով ստեղծված քաղաքական իրադրությունը՝ ես կոչ եմ անում ընտրել Նիկոլ Փաշինյանին ՀՀ վարչապետ։

Մենք իրավունք չունենք սխալվելու։ Մեր և հաջորդ սերունդները «դատապարտված են» ապրելու ազատ, անկախ բարգավաճ երկրում։

Կեցցե՜ Հայաստանը, Կեցցե՜  հայ ժողովուրդը, Աստված մեզ պահապան:

Արման Նավասարդյան
Արտակարգ և լիազոր դեսպան
Հայաստանի դիվանագիտական հիմնադրամի նախագահ
ԱՐՄԱՆ ՆԱՎԱՍԱՐԴՅԱՆ
18274 reads | 25.04.2018
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com