ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ ՀԱՅ-ԹՈՒՐՔԱԿԱՆ ԱՐՁԱՆԱԳՐՈՒԹՅՈՒՆՆԵՐԸ ՉԵՂԱՐԿԵԼՈՒ ՈՐՈՇՄԱՆ ՎԵՐԱԲԵՐՅԱԼ
2018թ. մարտի 1-ին ՀՀ նախագահ Սերժ Սարգսյանը Անվտանգության խորհրդի նիստում հայտարարեց, որ հայկական կողմը չեղարկում է 2009թ. հոկտեմբերի 10-ին նախաստորագրված հայ-թուրքական երկու արձանագրությունները, որոնք այն ժամանակ կրում էին Հայաստանի և Թուրքիայի միջև դիվանագիտական հարաբերություններ հաստատելու և երկխոսություն սկսելու առաքելություն:

Թուրքական իշխանությունները, ցավոք, որդեգրեցին խոստումներից խուսափելու, սադրանքների և նախապայմանների քաղաքականություն, որը ոտնահարում է միջազգային իրավունքի և  դիվանագիտության տարրական նորմերը։  

Հայաստանի Դիվանագիտական հիմնադրամը ողջունում է ՀՀ բարձրագույն իշխանության կողմից հայ-թուրքական արձանագրությունները դադարեցնելու որոշումը՝ դրանք համարելով ի սկզբանէ մեռելածին:

Մեր կարծիքով, հայկական կողմը ավելի վաղ պետք է չեղարկեր արձանագրությունները։ Օգտվելով դրանից` Թուրքիան ավելի քան 8 տարի օգտագործեց այդ փաստաթղթերը ՝ միջազգային կառույցներում սեփական հեղինակությունը բարձրացնելու և խաղաղասերի իմիտացիա ստեղծելու համար:

Միաժամանակ մենք կարծում ենք, որ ՀՀ իշխանությունը հայ-թուրքական հարաբերությունների հարցում չպետք է ընդունի մերժողական  դիրքորոշում, որն առաջին հերթին,  սկզբունքորեն հակասում է Հայաստանի արտաքին քաղաքականության հայեցակարգին և փիլիսոփայությանը։ Բացի այդ, հարևան պետության տնտեսական և քաղաքական ներուժը հետաքրքրություն է ներկայացնում Հայաստանի համար, իսկ նրա հետ  կապերի կանոնակարգումը լրացուցիչ հնարավորություններ կստեղծի այլ երկրների հետ ՀՀ հաղորդակցության զարգացման համար։

Մենք չպետք է անուշադրության  մատնենք այն իրողությունը, որ 100.000, իսկ ոչ պաշտոնապես՝ գրեթե 4 մլն հայեր են ապրում Թուրքիայում, որոնց պետք է հայկական պետականության հոգևոր, քաղաքական և դիվանագիտական աջակցությունը:

Հայաստանի Դիվանագիտական հիմնադրամը կողմ է միջպետական և միջազգային երկխոսությանը, սակայն դա  չպետք է լինի միակողմանի գործընթաց: Հետևաբար պաշտոնական Անկարային կոչ ենք անում հաշվի նստել զրո հարևան, բազմաթիվ խնդիրներ կատարված փաստի հետ և փորձել Հայաստանի հետ  հարաբերություններ կառուցել ոչ թե սահմաններին պատեր բարձրացնելով, այլ այդ սահմանները բացելու սկզբունքով և բարի կամքի դրսևորումով։

Արման Նավասարդյան
Հայաստանի դիվանագիտական հիմնադրամի նախագահ
արտակարգ և լիազոր դեսպան
ԱՐՄԱՆ ՆԱՎԱՍԱՐԴՅԱՆ
726 reads | 02.03.2018
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com