ԴՐԱՍՏԱՄԱՏ ԿԱՆԱՅԱՆԻ ԺԱՌԱՆԳՆԵՐՆ ԱՅՑԵԼԵԼ ԵՆ ԻՐԵՆՑ ՊԱՊԻ ԱՆՈՒՆԸ ԿՐՈՂ ԻՆՍՏԻՏՈՒՏ ՍՓՅՈՒՌՔԻ ՆԱԽԱՐԱՐՆ ԱՌԱՋԱՐԿՈՒՄ Է ՍՓՅՈՒՌՔԻ ՀԱՄԱՐ ԽՈՐՀՐԴԱՐԱՆ ՁևԱՎՈՐԵԼ ՀԱՅԱՍՏԱՆՈՒՄ ԲԱՑ ՆԱՄԱԿ ԱՐԱ ՊԱՊՅԱՆԻՆ ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ

ԲԵԼԱՌՈՒՍՈՒՄ ՀԱՅԱՍՏԱՆԻ ԴԵՍՊԱՆԸ ՊԵՏՔ Է ՊԱՐԶԱՊԵՍ ԹՈՂՆԻ ԵՎ ԳԱ ՏՈՒՆ

Բելառուսում ՀՀ դեսպան Արմեն Խաչատրյանը պետք է պարզապես թողնի այդ երկիրը և վերադառնա Հայաստան, 1in.am-ի հետ զրույցում նշել է հայտնի դիվանագետ, ՀՀ արտակարգ և լիազոր դեսպան Արման Նավասարդյանը՝ խոսելով բլոգեր Ալեքսանդր Լապշինի արտահանձնման և դրա շուրջ ստեղծված իրավիճակի մասին:

Հիշեցնենք, Բելառուսի իշխանությունները փետրվարի 7-ին Բաքվի պահանջով արտահանձնել էին բլոգեր Ալեքսանդր Լապշինին, որից հետո Բելառուսում ՀՀ դեսպանը մամուլին տված մեկնաբանություններում ասել էր, որ ինքը ոչինչ չէր կարող անել և որ ինքը բացարձակապես չի կարծում, թե պիտի հետ կանչվի դեսպանի պաշտոնից:

– Պարոն Նավասարդյան, Ձեր կարծիքով՝ Բելառուսում ՀՀ դեսպան Արմեն Խաչատրյանը պե՞տք է շարունակի պաշտոնավարել Լապշինի արտահանձնումից և իր այն մեկնաբանությունից հետո, որ «ես ոչինչ չէի կարող անել՝ բացի Երևանի պաշտոնական արձագանքը փոխանցելուց»:

– Գիտեք, դիվանագիտությունը խիստ գրված օրենքներ չունի, բայց կան օրենքներ, որոնք գործում են: Դրանք դարերից եկող սովորույթներն են, դիվանագիտական արվեստի և պրոֆեսիոնալիզմի հետ կապված խնդիրներն են: Այսպիսի մի բան կա, ասում են՝ դեսպանը գնաց այսինչ երկիրը, նա անպայմանորեն պետք է սիրի այդ երկիրը որոշակի սահմաններում, ոչ ավելի, քան իր երկիրը, որովհետև այդ դեպքում նա լոյալությունը կկորցնի և կընկնի կոմֆորմիզմի գիրկը: Նա պետք է տվյալ երկիրը սիրի այն սահմաններում, որն անհրաժեշտ է, որպեսզի երկու երկրների միջև բարեկամական հարաբերությունները զարգանան, և նա կարողանա կատարել իր առաքելությունը:

Նման արտահայտությունը իր հետ կարող է բերել միայն և միայն նրա [հրաժարականին]: Գոյություն ունեցող սովորույթների և ավանդույթների համաձայն՝ նա պետք է պարզապես թողնի այդ երկիրը: Եթե դու այդպես ես մտածում… նախ, ասում ես՝ չեմ կարող ոչինչ անել, հետո ասում ես՝ սրանք վատն են և այլն, և այլն: Ես բացարձակապես համաձայն չեմ: Բելառուսի և՛ ժողովուրդն է լավ, և՛ երկիրն է շատ լավ երկիր, և’ հայերին են շատ սիրում: Ուրիշ բան, որ այնտեղ դեսպոտ է նստած, որը քաղաքական հիմարություններ է անում: Ժամանակին այդ բոլորը կասվի: Կարծում եմ՝ նա պետք է պարզապես թողնի և գա տուն:

– Այսինքն՝ այնուամենայնիվ կարելի էր ինչ-որ բան անել:

– Նախ, դեսպանը պետք է այնպես աշխատի, որ նման բաներ հնարավորինս տեղի չունենան, որպեսզի հնարավոր լինի խուսափել նման զարգացումներից: Դրանց ասում են՝ կանխարգելիչ գործողություններ, վերլուծական գործողություններ և այլն, և այլն: Այս բոլորը պետք է արվի: Եթե չի արել դա, ավելի վատ իր համար:

– Երեկ եթերում այս հարցի կապակցությամբ մեջբերեցիք ֆրանսիացի հայտնի դիվանագետներից մեկի խոսքը:

– Այո, Ժյուլ Կամբոնի… Դա այդ բոլորի տրամաբանական շարունակությունն է: Դա Ժյուլ Կամբոնի հայտնի թևավոր խոսքն է, որ «եթե դեսպանը իրեն համարում է փոստարկղ, նա մեծ վնաս է հասցնում իր երկրին»:

– Կարծես թե, այդպիսի դեսպանները քիչ չեն մեզ մոտ:

– Ունենք, իհարկե: Մենք շատ ենք խոսել այդ մասին՝ սա պրոֆեսիոնալիզմի և դիլետանտիզմի փոխկապակցվածությունն է, որը, դժբախտաբար, այսօր իրեն զգացնել է տալիս: Դիվանագիտության մեջ դիլետանտիզմը ընդունելի չէ, ընդհանրապես ոչ մի գործում ընդունելի չէ, բայց դիվանագիտության մեջ՝ առավել:

– Դուք չեք կարծում, որ դիվանագիտական այս ռազմավարությունը իրեն սպառել այսինքն՝ «մենք չենք խոսում, մենք գործում ենք», բայց արդյունքներն էլ չենք տեսնում:
– Պետք է վերանայվի ամբողջը: Երկու օր առաջ ես ասացի՝ առաջին հերթին պետք է ունենալ հայեցակարգ: Մենք չունենք հայեցակարգ, չունենք ճիշտ կադրային քաղաքականություն. չի կարելի պատահական մարդկանց նշանակել: Այսպիսի ճշմարտություն կա՝ փոքր երկրների դեսպանների վրա շատ ավելի մեծ ծանրաբեռնվածություն և պատասխանատվություն է ընկնում, հատկապես այսօրվա քաղաքական իրադրության մեջ, միջազգային հարաբերություններում և աշխարհաքաղաքական այս տուրբուլենտային վիճակում, քան թե մեծ երկրների դեսպանների վրա: Եթե Ռուսաստանի կամ Չինաստանի դեսպանը սխալ գործի, դրանից իր երկիրը այնքան չի տուժի, որքան փոքր երկիրը:

– Ասում են՝ եթե Ռուսաստանը կամ Իսրայելը չկարողացան կանխել Լապշինի արտահանձնումը, ուրեմն մենք ինչպե՞ս կարող էինք կանխել: Այս զուգահեռը ճի՞շտ է:

– Սխալ է, իհարկե: Ռուսաստանը իր խնդիրները ունի: Այստեղ բոլորովին այլ բաներ են կատարվում, և նմանատիպ հայտարարություններ անելը, կարծում եմ, ճիշտ չէ: Ինչի՞ ես Ռուսաստանի կամ Իսրայելի համար խոսում, խոսիր քո երկրի և քո արած գործերի մասին:

ԱՐՄԱՆ ՆԱՎԱՍԱՐԴՅԱՆ
981 reads | 11.02.2017
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com