ԴՐԱՍՏԱՄԱՏ ԿԱՆԱՅԱՆԻ ԺԱՌԱՆԳՆԵՐՆ ԱՅՑԵԼԵԼ ԵՆ ԻՐԵՆՑ ՊԱՊԻ ԱՆՈՒՆԸ ԿՐՈՂ ԻՆՍՏԻՏՈՒՏ ՍՓՅՈՒՌՔԻ ՆԱԽԱՐԱՐՆ ԱՌԱՋԱՐԿՈՒՄ Է ՍՓՅՈՒՌՔԻ ՀԱՄԱՐ ԽՈՐՀՐԴԱՐԱՆ ՁևԱՎՈՐԵԼ ՀԱՅԱՍՏԱՆՈՒՄ ԲԱՑ ՆԱՄԱԿ ԱՐԱ ՊԱՊՅԱՆԻՆ ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ

ՀԱՅԱՍՏԱՆԸ ՊԵՏՔ Է ԿԱՐՈՂԱՆԱ ՏՐՅՈՒԿՆԵՐՈՎ ԽԱՂԱԼ ԻՐ ԳՈՐԾԸՆԿԵՐՆԵՐԻ ՀԵՏ
«Ռուս-թուրքական հարաբերությունների՝ պետական մակարդակով կատարված էրոզիայից մեր հասարակությունը անասելի երջանկություն ապրեց, իսկ հիմա, երբ վերականգնվում են այդ հարաբերությունները, մենք հուսախաբության մեջ ենք,- ասաց Արտակարգ և լիազոր դեսպան Արման Նավասարդյանը «Անդրադարձ» մամուլի ակումբում կայացած ասուլիսի ընթացքում: Նրա դիտարկմամբ՝ եթե Թուրքիան գնա հարաբերությունների վերանայման, տարածաշրջանում կստեղծվի աշխարհաքաղաքական նոր իրավիճակ և պետությունների ուժերի նոր փոխհարաբերություն:

Դեսպանը նշեց, թե քաղաքական նոր փուլում ինչ կշահեն և ինչ կկորցնեն Ռուսաստանն ու Թուրքիան: Ըստ նրա, Ռուսաստանին ձեռնտու է Թուրքիայի հետ հարաբերությունների հավասարակշռումը, ինչը կխոչընդոտի Ռուսաստանի նկատմամբ կատարվող ոտնձգությունները: Կոշտ ձևակերպմամբ՝ Թուրքիան կանգնած է երկընտրանքի առջև՝ Ռուսաստան, թե՞ ԱՄՆ: Պարոն Նավասարդյանի կարծիքով՝ Թուրքիան միտված է առաջին տարբերակին: Այդ պարագայում, Ռուսաստանը տարածաշրջանում «թելադրողի» դեր կստանձնի: Բանախոսի գնահատմամբ՝ Ռուսաստանը կսկսի Թուրքիայի հետ համագործակցել:

Դեսպանը անդրադարձավ թուրք-ադրբեջանական հարաբերություններին, որոնց շրջանագծից, բնականաբար, դուրս չէ նաև Ղարաբաղյան հիմնախնդիրը: Գնահատելով իրավիճակը, պարոն Նավասարդյանն ասաց, որ խնդրի կարգավորման գործընթացում դրական որևէ տեղաշարժ չի ակնկալում: Նրա վստահեցմամբ՝ Թուրքիայի և Ադրբեջանի բարեկամական հարաբերությունները կմնան   նույնը, բայց կդառնան ավելի ճկուն, որի արդյունքում Ղարաբաղյան հարցի հետագա զարգացման մեջ կմեծանա Թուրքիայի դերակատարությունը:

Խոսելով ՀԱՊԿ-ի շրջանակներում անցկացվող հանդիպումների մասին, պարոն Նավասարդյանը նշեց, որ չնայած գլխավոր քարտուղար Նիկոլայ Բորդյուժայի արած՝ մեզ համար համեմատաբար դրական հայտարարություններին, հայանպաստ որևէ քայլի չի սպասում:

Բանախոսը մատնանշեց նաև Հայաստանի դիվանագիտության բացթողումները, որոնք, ըստ նրա, մեր ունեցած հնարավորությունների ոչ ճիշտ կիրառման արդյունք են: Պարոն Նավասարդյանը վստահեցրեց, որ Հայաստանը քաղաքական տարբեր տրյուկներ կիրառելով պետք է խաղա իր գործընկերների հետ և կատալիզատորային դիվանագիտություն վարի, ինչպես անում են մի շարք պետություններ: Հարցին, թե կատալիզատորային դիվանագիտության համատեքստում Հայաստանի ո՞ր քայլերը կարող են արագացուցիչի դեր ստանձնել, դեսպանը պատասխանեց. «Մասնակցել արտաքին և ներքին խնդիրների կարգավորմանը այն սահմաններում, որ ժողովրդի ձայնը լսելի դառնա: Հայաստանի ուղեղներն այնպիսին են, որ կարող են մասնակցել գործընթացներին, բայց նրանք օտարված են այդ խնդիրներից»: Նավասարդյանը կարևորեց նաև ԶԼՄ-ների դերը՝ հայաստանյան լրատվամիջոցների քաղաքականությունը համեմատելով ադրբջանականի հետ: «Ադրբեջանը 20 տարվա ընթացքում կարողացավ իմիջ ստեղծել, որ մենք ագրեսոր ենք, իրենք՝ տուժած կողմ: Իսկ այդ նույն 20 տարվա ընթացքում ի՞նչ ենք արել մենք...»,- եզրափակեց դեսպանը:

Մերի Աղաջանյան
Nyut.am

ԱՐՄԱՆ ՆԱՎԱՍԱՐԴՅԱՆ
957 reads | 12.07.2016
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com