ՀԱՅԿԱԿԱՆ ԼՈԲԲԻՆ ԻՍՐԱՅԵԼՈՒՄ ՍԽԱԼ ՈՒՂՂՈՒԹՅԱՄԲ Է ԱՇԽԱՏՈՒՄ. ՊԵՏՔ Է ԶԱՐԳԱՑՆԵԼ ՀԱՅ-ԻՍՐԱՅԵԼԱԿԱՆ ՌԱԶՄԱԿԱՆ ՀԱՐԱԲԵՐՈՒԹՅՈՒՆՆԵՐԸ. ԱՎԻԳԴՈՐ ԷՍԿԻՆ «ԼԻԲԱՆԱՆԱՀԱՅՈՒԹՅՈՒՆԸ ՎՏԱՆԳՎԱԾ Է, ՆԵՐԳԱՂԹ ԿԱԶՄԱԿԵՐՊԵՔ». ԿՈՉ ՍՓՅՈՒՌՔԻ ՆԱԽԱՐԱՐՈՒԹՅԱՆԸ «Տարածքների հանձնման հարցը պետք է բացարձակապես դուրս գա մեջտեղից». Արման Նավասարդյան ԻԻՀ և ՀԱՅԵՐԻ ՑԵՂԱՍՊԱՆՈՒԹՅՈՒՆԸ ՀԱՅԱՍՏԱՆԻ ԴԻՎԱՆԱԳԻՏԱԿԱՆ ՀԻՄՆԱԴՐԱՄԻ ՀԱՅՏԱՐԱՐՈՒԹՅՈՒՆԸ՝ ՆԻԿՈԼ ՓԱՇԻՆՅԱՆԻ ՎԱՐՉԱՊԵՏ ԸՆՏՐՎԵԼՈՒ ԿԱՊԱԿՑՈՒԹՅԱՄԲ ԳԵՏԱՆՑԻ ԺԱՄԱՆԱԿ ՓՈԽՈՒՄ ԵՆ ԱՎԱՆԱԿՆԵՐԻՆ. հարցազրույց դեսպանի հետ հայաստանյան իրադարձությունների մասին ՄՀԵՐ ՍԱՀԱԿՅԱՆԸ ՆԵՐԿԱՅԱՑՐԵՑ ԻՐ ՀԵՏԱԶՈՏՈՒԹՅՈՒՆԸ ՄՈՍԿՎԱՅԻ ՊԵՏԱԿԱՆ ՀԱՄԱԼՍԱՐԱՆԻ ԱՍԻԱՅԻ և ԱՖՐԻԿԱՅԻ ԵՐԿՐՆԵՐԻ ԻՆՍՏԻՏՈՒՏՈՒՄ ՄԻԶԵԼ ՔԱՄՈՒ ԴԵՄ. ԴԻՎԱՆԱԳԵՏԸ ՆԵՐՀԱՅԱՍՏԱՆՅԱՆ ԻՐԱԴԱՐՁՈՒԹՅՈՒՆՆԵՐԻ ՄԱՍԻՆ ԱՐՏԱԿԱՐԳ և ԼԻԱԶՈՐ ԴԵՍՊԱՆ ԱՐՄԱՆ ՆԱՎԱՍԱՐԴՅԱՆԻ ԿՈՉԸ ՆԵՐՔԱՂԱՔԱԿԱՆ ԻՐԱԴԱՐՁՈՒԹՅՈՒՆՆԵՐԻ ՖՈՆԻՆ ՄՀԵՐ ՍԱՀԱԿՅԱՆԸ ՀՐԱՎԻՐՎԵԼ ԷՐ ԲԱՆԱԽՈՍԵԼՈՒ ՄՈՍԿՎԱՅԻ Մ. Վ. ԼՈՄՈՆՈՍՈՎԻ ԱՆՎԱՆ ՊԵՏԱԿԱՆ ՀԱՄԱԼՍԱՐԱՆԻ «ԼՈՄՈՆՈՍՈՎՅԱՆ ԸՆԹԵՐՑՈՒՄՆԵՐ-2018» ԳԻՏԱԺՈՂՈՎՈՒՄ

ՔԱՂԱՔԱԿԱՆ ՏԵՂԵԿԱՆՔ. ԿՐԱ՞Կ, ԹԵ՞ ՑԱՍՈՒՄ
ԱԼՎԱՐԴ ԿԱՐԱՊԵՏՅԱՆ
Լեզվաբան, քաղաքագետ, ԵՐԵՎԱՆ




Երկարատև դադարից հետո Հյուսիսային և Հարավային Կորեաները համաձայնեցին նստել բանակցությունների սեղանի շուրջ: Տարածաշրջանային գերլարված իրավիճակում թվում էր՝ հանդիպումը անհավանական է, չնայած դրան նպաստող նախադրյալներ կային: Առաջինը, Կիմը իր ամանորի ուղերձում հանդես եկավ մեղմ հռետորաբանությամբ իր հարավային հարևանի նկատմամբ, և երկրորդ, Սեուլը հետաձգել էր անցկացնել ԱՄՆ-ի հետ համատեղ զորավարժությունները:

Չնայած հանդիպումը կայացավ սպասվելիք ձմեռային օլիմպիական խաղերի շրջանակներում՝ հակամարտող կողմերը համաձայնության եկան մի շարք առանցքային հարցերի շուրջ: Մասնավորապես՝ վերականգնել երկու պետությունների միջև ռազմական շփման գիծը, իրականացնել խորհրդակցություններ` լարվածությունը թուլացնելու համար, ակտիվացնել սպորտային և հումանիտար ոլորտներում փոխանակումները: Սեուլը պատրաստակամություն հայտնեց ժամանակավորապես կասեցնել մի շարք պատժամիջոցների կիրառումը Փհենյանի նկատմամբ: Սակայն բանակցությունների գլխավոր հարցը՝ կորեական թերակղզու ապամիջուկայնացումը, շարունակում է մնալ անորոշ: Կիմը դե ֆակտո հռչակել է Հյուսիսային Կորեան որպես միջուկային գերտերություն  և ոչ մի դեպքում չի հրաժարվի միջուկային զենքի ծրագրից, քանի որ վերջինս վստահելի երաշխիք է հանդիսանում իր երկրի անվտանգության համար: Բացի այդ, հարցի լուծումը կախված է այլ շահագրգիռ կողմերից, մասնավորապես՝ ԱՄՆ, Ճապոնիա, Չինաստան և Ռուսաստան:   

Այն, որ Փհենյանը համաձայնել է սկսել բանակցությունները կորեական թերակղզում ԱՄՆ-ի ճիշտ մարտավարության արդյունքն է: Նման տեսակետ է հայտնում Թրամփի կառավարությունը: Այսպիսի հայտարարությամբ Թրամփը ցանկանում է աշխարհին երևալ որպես հաղթող կողմ: Վերջերս հրապարակած ազգային անվտանգության ծրագիրը կառուցված է «խաղաղություն ուժի միջոցով» գաղափարի շուրջ: Սա ենթադրում է՝ Թրամփը ստիպել է Սեուլին գնալ բանակցությունների Փհենյանի հետ: Վերջինս պատերազմական գործողությունների սպառնալիքի տակ գնացել է այդ քայլին:

Ռուսական իշխանությունների համոզմամբ՝ ԿԺԴՀ-ն որոշ չափով հասել է իր նպատակին: Այն ունի այնպիսի միջուկային ձենք, որն ունակ է հարված հասցնելու աշխարհի ցանկացած կետին: Այստեղից հետևություն` ԱՄՆ-ն ձախողել է իր նպատակներում: Բանակցությունների վերսկսումը փաստում է դրա մասին: Այն, որ դրանք տեղի են ունեցել առանց ԱՄՆ-ի միջնորդությամբ և առանց նախապայմանների (ԱՄՆ-ն նախկինում պնդում էր, որ բանակցությունները հնարավոր կլինեն միայն այն դեպքում, երբ Հյուսիսային Կորեան հրաժարվի միջուկային ծրագրից) ցույց է տալիս՝ ԱՄՆ-ի վարած անարդյունավետ քաղաքականությունը տարածաշրջանում:

Եզրափակելով՝ Հյուսիային Կորեան շատ լավ գիտակցում է, որ Թրամփը ամեն գնով փորձում է հայտարարություններով ու կոչերով ահազանգել հնարավոր պատերազմի վտանգը: Բանակցական գործընթացի վերականգնումը նրա իրական ցանկությունների մեջ չի մտնում: Սեփական պարտությունը քողարկելու համար Թրամփին մնում էր մանևրել՝ ողջունելով և հաղթանակը վերագրելով իրեն:
ԱԼՎԱՐԴ ԿԱՐԱՊԵՏՅԱՆ
437 reads | 20.01.2018
|
avatar

Մականուն:
Գաղտնաբառ:
Copyright © 2018 Diplomat.am tel.: +37491206460, +37499409028 e-mail: diplomat.am@hotmail.com