Հայաստանը մեծացրել է ադամանդների արտահանումը

28.07.2010

Հունվար-հունիս ամիսներին Հայաստանը մեծացրել է ադամանդների արտահանումը 6.7 անգամ անցյալ տարվա նույն ժամանակահատվածի հետ համեմատած` 2009 թ. հունվար-հունիս ամիսներին 43 հազար կարատից մինչև 288 հազար կարատ, - ասվում է երկրի պետեկամուտների կոմիտեի մաքսատան ծառայության հաշվետվության մեջ: 2010 թ. առաջին վեց ամիսների ընթացքում երկրից արտահանվել է 50.412 մլն դոլարի ադամանդ` անցյալ տարվա նույն ժամանակահատվածի 22.277 մլն դոլարի դիմաց:

Երկիր ներմուծված անմշակ ադամանդները առաջին կիսամյակում 390 հազար կարատ են կազմել 58.234 մլն դոլար գումարի` 2009 թ. առաջին կիսամյակում 73 հազար կարատ 22.004 մլն դոլարի դիմաց:

Հայաստանում արտադրվող ադամանդները մատակարարվում են Ռուսաստան, ԱՄՆ, Եվրոպա: Արտահանման աճը կապում են համաշխարհային շուկայի աշխուժացման հետ: