Ջոն Լեննոնի սպանողը վեցերորդ անգամ խնդրել է իրեն ներում շնորհել

28.07.2010

1980 թ. Ջոն Լեննոնին գնդակահարած Մարկ Դևիդ Չեփմենը վեցերորդ անգամ խնդրել է իրեն ներում շնորհել:
Պայմանական-վաղաժամկետ ազատագրման հանձնաժողովը կդիտարկի նրա հայտարարությունը օգոստոսին: Հարկ է նշել, որ զուգահեռաբար հանձնաժողովը չորս դիմում-խնդրանք է ստացել չազատել Չեփմենին, և ևս երկուսը նրա օգտին:

Հայտնի է, որ նախկին հինգ անգամները, երբ սպանողը ներում շնորհելու մասին խնդրանք էր ներկայացնում, Ջոն Լեննոնի այրի Յոկո Օնոն նամակներ էր ուղարկում հանձնաժողով` խնդրելով ճաղերի ետևում թողնել Չեփմենին: Դեռ հայտնի չէ, թե արդյոք նա դիմել է հանձնաժողով այս անգամ:

Ջոն Լեննոնի սպանության համար 1980 թ. դեկտեմբերին Չեփմենը դատապարտվել էր ցմահ ազատազրկման` իրավունք ունենալով 20 տարին լրանալուց հետո երկու տարին մեկ ներում շնորհելու մասին խնդրանքով դիմել: