Ավտովթար Աշտարակ-Ապարան ավտոճանապարհին

28.07.2010

Երեկ ժամը 20.07-ին Աշտարակի ոստիկանության բաժնից ԱԻն փրկարար ծառայությունում տեղեկություն է ստացվել, որ Աշտարակ-Ապարան ավտոճանապարհի 11-րդ կիլոմետրում տեղի է ունեցել ավտոպատահար:

Դեպքի վայր է մեկնել Արագածոտնի մարզային փրկարարական վարչության փրկարար ջոկատը:

Տեղում պարզվել է, որ «Ֆորդ Տրանզիտ» մակնիշի միկրոավտոբուսը բախվել է «ՎԱԶ-21063» մակնիշի ավտոմեքենային, ինչի հետևանքով միկրոավտոբուսի վարորդը` Կոտայքի մարզի Ակունք գյուղի բնակիչ, 1962 թ. ծնված Մկրտիչ Կիրակոսյանը, ստացել է տարբեր աստիճանի մարմնական վնասվածքներ ու տեղափոխվել Երևանի «Արմենիա» բժշկական կենտրոն, իսկ 11 ուղևորները, այդ թվում` 8 անչափահաս ստացել են տարբեր աստիճանի մարմնական վնասվածքներ և տեղափոխվել Աշտարակի հիվանդանոց, այնուհետև` Երևանի թիվ 3 մանկական կլինիկական հիվանդանոց, որտեղից 7 տուժած, ստանալով առաջին բուժօգնություն, դուրս է գրվել: