Ֆրանսիան Հյուսիսային Աֆրիկայում պատերազմ է հայտարարել

28.07.2010

Ֆրանսիայի կառավարությունը խոստացել է ամենախիստ և վճռական միջոցները ձեռնարկել Հյուսիսային Աֆրիկայի ահաբեկչական կազմակերպությունների դեմ` Սախիլի անապատում 78-ամյա ֆրանսիացի պատանդ Միշել Գերմենեի մահապատժից հետո:
Դրա հետ կապված Ֆրանսիայի վարչապետ Ֆրանսուա Ֆիլլոնը հարցազրույց է տվել ֆրանսիական ռադիոյին: Նա ասել է. «Ֆրանսիան վրեժխնդրությամբ չի զբաղվում: Չնայած դրան` մենք ունենք համապատասխան համաձայնագրեր տարածաշրջանի երկրների կառավարությունների հետ` հիմնականում Մավրիտանիայի և Մալիի կառավարությունների հետ: Մենք կգտնենք այդ ահաբեկիչներին և արդարադատություն տեղի կունենա»:
Գերմենեի մահապատժի պատասխանատվությունը իր վրա է վերցրել «Իսլամական Մագրիբի Ալ-Քաիդան»:
Ֆրանսիայի նախագահ Նիկոլյա Սարկոզին երդվել է, որ պատանդի սպանությունը «անպատիժ չի մնա»: Ոչ Ֆիլլոնը, ոչ էլ Սարկոզին չեն պատմել, թե ինչպես են նրանք մտադիր «արդարադատություն կատարել», բայց տարածաշրջանի փորձագետները համոզված են, որ խոսքը գնում է ֆրանսիական զորակազմի ներկայության` առաջին հերթին մատնանշված երկրներում լրտեսների և հատուկ նշանակության ջոկատների խստացման մասին:
Մալիի իշխանությունների ներկայացուցիչն ասել է, որ Գերմենեին գլխատել են «Իսլամական Մագրիբի Ալ-Քաիդայի» ղեկավար Աբդելհամիդ Աբու Զայդայի ներկայությամբ:
Ֆրանսիայի արտգործնախարար Քուշները արդեն մեկնել է տարածաշրջան և բանակցություններ է վարում Մավրիտանիայի և Մալիի ղեկավարության հետ` Հյուսիսային Աֆրիկայում «Ալ-Քաիդայի» դեմ Ֆրանսիայի կողմից հայտարարված պատերազմի ընթացքում կոնկրետ համատեղ գործողությունների մասին: