Մեծ Բրիտանիա. Թուրքիան պարտավոր է անդամակցել ԵՄ-ին

28.07.2010

Մեծ Բրիտանիայի վարչապետ Դևիդ Քեմերոնը պաշտոնական այցով գտնվել է Անկարայում:
Բանակցությունների գլխավոր թեման` ԵՄ-ին Թուրքիայի անդամակցելն էր:
Քեմերոնը երդվել է «Անկարայի և Բրյուսելի միջև ճանապարհ սալարկել»:
Նա նաև խոստացել է «մարտնչել» վերջին 50 տարիների ընթացքում թուրքական արտաքին քաղաքականության գլխավոր նպատակին հասնելու` ԵՄ-ին անդամակցելու համար:
Բրիտանացի վարչապետի կարծիքով, ԵՄ-ին Թուրքիայի անդամակցելու թշնամիները «խաղում են իսլամի առջև վախերի վրա»:
Քեմերոնն ասել է. «Այդ մարդիկ տարբերություն չեն տեսնում իրական իսլամի և ծայրահեղականների աղավաղված վարկածի միջև: Նրանք կարծում են, որ իսլամը անհամատեղելի է իրենց կրոնների, հասարակության և մշակույթի հետ»:
Քեմերոնը նաև «պրոտեկցիոնիստներ» է անվանել նրանց, ով Թուրքիան դիտարկում է որպես «տնտեսական սպառնալիք»:
Քեմերոնի հայտարարությունները հակադրվում են ԵՄ-ի երկու հիմնական անդամների` Գերմանիայի և Ֆրանսիայի, դիրքորոշումներին:
ԵՄ-ին Թուրքիային անդամակցելու հակառակորդները մատնանշում են ոչ միայն կրոնական և սոցիալական խնդիրները:
Թուրքիայի անդամակցումը կհանգեցնի ԵՄ-ում արմատական ժողովրդագրական փոփոխություններին: Այժմ երկրի բնակչությունը 72 մլն մարդ է կազմում, որից 2/3-ը` 35 տարեկանից ցածր են: 2020 թ. Թուրքիայի բնակչությունը կգերազանցի ԵՄ-ի ամենախոշոր երկրի` Գերմանիայի, բնակչությանը:
Քեմերոնի ամբիցիաները Թուրքիայով չեն սահմանափակվում: Նա մտադիր է Հնդկաստանի հետ «հատուկ հարաբերությունների» մասին պայմանագիր կնքել, ինչի համար էլ մեկնում է այնտեղ շաբաթվա վերջին: